وين قبلان العتيبي
ساير العتيبي05-Jul-2007, 10:02 AM
صبحكم الله بالخير واستلم ياقبلان
وين قبلان العتيبي كيف طوًل في غيابه = والسوالف بين غرب وشرق . حلي ياحلاوه
العرب قامت تدور للمشاكل والحرابه = والسما تبرق وعان البرق . حلي ياحلاوه
غازي غالب05-Jul-2007, 10:32 AM
صباح النور .. يامرحبا ياساير .. من طول الغيبات جاب الغنايم ..
انته اللي صرت غايب ماتجي ديرة عتابه = والعقوبه من يدي بالعرق , حلي ياحلاوه
واعذاب اللي يدور للمشاكل واعذابه = وانت مسرع وانتبه للطرق , حلي ياحلاوه
ساير العتيبي05-Jul-2007, 10:42 AM
غايبٍ والبال حاضر لاعجاب ولا غرابه = واكتشفت الناس فيها فرق . حلي ياحلاوه
والله اني ماتراجع قوسنا فوق الربابه = هاض بالي يوم ناح الورق . حلي ياحلاوه
غازي غالب05-Jul-2007, 11:15 AM
لاتكون مصيف ٍ بجنيف ومعدي هضابه = وكل مذنب في ضميره حرق , حلي ياحلاوه
هيه ياساير علامك قالب الدعوى طلابه = اشكر الله خير لك من طرق , حلي ياحلاوه
ساير العتيبي05-Jul-2007, 11:34 AM
انت ياقبلان راسك صايرٍ فيه انقلابه = كيف تجمع بين سود وزرق . حلي ياحلاوه
ماذبحني غير رجلٍ يوم بدل في ثيابه = امتحنًا بين حوًل وارق . حلي ياحلاوه
غازي غالب05-Jul-2007, 11:51 AM
راسي بعالي سماها ماشي بنهج الصحابه = وانت ماعندك ياكود القرق , حلي ياحلاوه
ذابحن غيرك واظنك صرت ريّس للعصابه = ياعصابه ضاريه بالسرق , حلي ياحلاوه
عبدالعزيز بن جودان الرويس05-Jul-2007, 04:04 PM
هذا البيت ذهب عيار 21 الله الله عليك ياشيخ
راسي بعالي سماها ماشي بنهج الصحابـه
وانت ماعندك ياكود القرق , حلي ياحلاوه
ذابحن غيرك واظنك صرت ريّس للعصابه
ياعصابه ضاريه بالسرق , حلي ياحـلاوه
واصلو وانا متابع لكم
شعار من الطراز الممتاز
تسلمون والله هذا والله اللعب والا بلاش
النافذ05-Jul-2007, 04:34 PM
واصلو وانا متابع لكم
شعار من الطراز الممتاز
تسلمون والله هذا والله اللعب والا بلاش
غازي غالب05-Jul-2007, 07:10 PM
هلا هلا ببن جودان يالله حيّه .. واشادتك نوماس يابن العم .. والذهب من اختصاصك طال عمرك .. حنا يالله بالفضه وليته بعد .. لاهنت على المرور ..
اخوك
غازي غالب05-Jul-2007, 07:11 PM
النافذ .. نورت الصفحه .. ومتابعتك فخر ..
لاهنت على المرور ..
اخوك
