مساجلة بين الشاعر منصور الحري وبين الشاعر عبد الله بن محيا

مساجلة بينن الشاعر / محمد الحري وبين الشاعر عبد الله بن محيا



أمس الضحى عديت روس المشاريف
رقيت لي رجـمٍ طويـل الرجومـي
لوحـت بالملـواح لاشـك ماشيـف
من دونهم حالـت بعيـد الحزومـي
يابومحيـا ديرتـه يمـت السيـف
أشكي عليك الحال كثـرة همومـي
من لابـةٍ يـروون حـد المراهيـف
عتيبـة الهيـلا تسـد اللـزومـي
يـاونـةٍ ونيتـهـا بالسراجـيـف
ونة كسيـرٍ طايـحٍ وسـط قومـي
ذبحت جواده والجهد عنده ضعيـف
قامـت توامـاه الحـرار القرومـي
عليـك يازيـن النبـا والتواصيـف
غضٍ غضيـضٍ كامـلٍ بالسلومـي
يازين يامجمـول ياضامـر سهيـف
ارفق ترى منكم سطابـي سهومـي
مركب غرامي فوق موج وعواصيف
يفتر به مـوج البحـر والسمومـي

محمد بن حمود الحري السبيعي




رد علي الشاعر عبد الله بن محيا:






هات القلم بكتب مثايل على الكيف
مثايل مـن ضامـري والعزومـي
حي الجواب اللي لفاني بتوصيف
توصيف غروٍ قال منه محرومـي
يامرحبا به عد مايمطـر الصيـف
وعداد ما تمطر مـزون الغيومـي
اللي لفا بالخط محتـاج تعريـف
الجود طبعه والوفاء والسلومـي
من لابةٍ يوم الملاقـى سواريـف
من فعلهم تشبع طيـور تحومـي
حريبهم يروح خسران ومعيـف
تضيع هقواتـه وراح محمومـي
بني عمر اللي لهـم بالمواقيـف
يشهد لهم بالطيب ولهـم قدومـي
لا باس ياللي تشتكي من تخاليف
تشكي لنا من حب زاهي الرقومي
من دش بحر الحب يالقاء التكاليف
يصبر علـى ماجـاه ولاينومـي
أنا معك بالحال والمال والسيـف
رهن الإشارة جاهـزٍ للهجومـي
إنجهز الفزعة بجيـش مراديـف
ونذلل الصعبة ولو هـي قحومـي
وأنا بعد في الحب جالي صواديف
فاتت لنا مـدة نطيـح ونقومـي
تعبت معهن ضامرات السراجيـف
ولا حصلي كـود هـم وغمومـي
لانامت العالم تجينـي تصانيـف
قضيت عمري بالحزن والهمومـي

صح لسان الشاعر منصور
و
لسان الشاعر ابن محيا

و

تسلم ياخو ي عبد الرحمن

مشكوووووووووور يالغالي

بيض الله وجهك

يعطيك الف عافيه

مشكوووووووووور يالغالي

مشكور وماقصرت

مشكوووووورين علي المرور

مشكووووور

وصح لسان الشاعرين

مشكوووووووووور يالغالي