صيــاف الحربي و مستور العصيمي

هذه محاوره قديمه للشاعر صياف السحيمي الحربي رحمه الله والشاعر مستور العصيمي


صياف الحربي:

اشوف مستور العصيمي جاب حبله وجملـــــــه
وليا قضى تمر الحساء جاني يبي تمر القصيم
ان مــد وحــده من يديــه امـلا يــدي واحطلـــه
وان كــان مد يدينه الثنتيــن اقــول الله كريــم


مستور العصيمي:

ان كان عندك تمر جيتك بالبعيــر وحملـه
لكن لا تخلط لي التمـر الجديد مع القديــم
اظن صياف السحيمي ناسيا ويـش قلتلــه
وان كان ناسي يا صياف قل بالله العظيم


صياف الحربي:

التمــر يامستــور مــا عندك سنــون تاكلـه
أكل الضروس السوس والنيبان مافيها سليم
ياللي تبي ترضي هذاك وذاك تبـي تزعلــه
اهون عليك اللفلفــه والا الطـريق المستقيــم


مستور العصيمي:

لابــدنــا نلقــى لنــا غيــرك عميــل نعاملـــه
وانا ضروسي من حديد وتكسر العظم الصميم
وان كان ماتدرون ويــش الراي خلــوه لهلــه
قــد قيــل بالامثــال مانــزال شدد لـه مقيــم

صياف الحربي:

ينفــك بــاب الخـير للطرقي وحظــه يقفلــه
درب الصحيح يجيده العاقل ويخطيه الغشيم
اليا نقصــت الكيــل والمكيــال قلنــا كملــه
حنا ترى ماعندنا فاصحابنا خشم وخشيــم


مستور العصيمي:

بان الصحيح وكل رجــال عرفنــا منزلــه
احد حياته في شقا واحد حياته في نعيم
اللي يبي كحل العيون يلد يمي واكحلــه
والا على قول المثل مال الغريم الا الغريم

الف شكر يالغالي على المحاورة الجميله ..

محاوره قمه ..

رحم الله صيآف وآطال بـ عمر آبو تركي

محبك

,

محاورة قوية...

الله يرحم صياف..

ويطول عمر مستور...

مشكووور اخوي ابو ناب..