ادناة شاعر يقتربلي هنا والكد مخلوف........

السلام عليكم ورحمة الله وبركاته



من هاجسن لامن زهمته وقف دون المواجيب= سلام رده مثل نور القمر والشهر منصوف


في حلة العتبان قوم الوفا والجود والطيب= ادناة شاعر يقتربلي هنا والكد مخلوف

وعليكم السلام ورحمة الله وبركاته


من هاجسٍ يبعد عن الشك والتزييف والريب=يامرحبا ترحيبةٍ تشمل الاصحاب وضيوف
في حلة اللي يحتمون المواقف بالمحاديب=ياصلك راع المعرفه والطريق الزين معروف

وعليكم السلام ورحمة الله وبركااته


الله يعطيكم العافيه وصحت السنتكم مقدما ً
ومتابع ومع الله


:)



..



..



’’


مرقاب

مرقاب

شكرا لمتابعتك


وصح بدنك

استلم يامعجب الله لايهينك



ياخوك كان الذيب يعوي على روس المراقيب= واليوم جر عواه داخل قفص ضايق ومكتوف
مدري نلوم الوقت والا نلوم اهل المكاتيب=والا نلومه يوم حوّل وهو ماهوب مكلوف

لاهنت يامرقاب على مرورك ومتابعتك

لاهنت طال عمرك

اللي ترك داره.. يبا يلحقه في وقته الشيب=والشيب لامن زاد ياصاحبي ماهوب منتوف
لا والله الا الوقت ياصاحبي.. مانلحقه عيب=الا الطمع والحرص لامن كثر والجوع والخوف

استلم والمعذره على التأخير





الموت من في داره وماشيٍ حسب الاساليب=يعني مهوب اقشر ولولاهوب يارجال ملقوف
لكن حقه وخذ منه وسلم للأجانيب=وانا اشهد ان الوضع ذا ياعميلي يحرق الجوف

عادي وانا خوك


الوضع حسب ضروف راع.. الفضا يمشي بترتيب=ترتيب واضح للملا والخلايق كلها تشوف
وقت اختبار الطالب الأسأله مرت بتسريب=واللي كذا فبدايته تااالي الايام معيوف

استلم يامعجب

والختم عندك وتشرفت باللعب معك صح لسانك وبيض الله وجهك



من عقب ماراح المطوع وانا ادري الوضع اكاذيب=لعبه لكن ماهي على اهل العقول تمر وتطوف
راع الفضا اهم حاجه ملا من كدنا الجيب=اسمحلي اني ياعميلي اقول( ال......) مخطوف

صح بدنك ياغالي

الشرف لي طال عمرك


جابو لنا مطوع يبون الوضع مافيه تغريب=وصفوا لنا الارقام واسترسلوا ثم حطوا حروف
راع الفضا معذور يبغا قصر وفلوس مع جيب=واسمحلي اقول ان فينا البلا وازيدك حلوف

خشم عنان

من هاجسن لامن زهمته وقف دون المواجيب= سلام رده مثل نور القمر والشهر منصوف

في حلة العتبان قوم الوفا والجود والطيب= ادناة شاعر يقتربلي هنا والكد مخلوف


معجب العتيبي

من هاجسٍ يبعد عن الشك والتزييف والريب=يامرحبا ترحيبةٍ تشمل الاصحاب وضيوف
في حلة اللي يحتمون المواقف بالمحاديب=ياصلك راع المعرفه والطريق الزين معروف


خشم عنان

ياخوك كان الذيب يعوي على روس المراقيب= واليوم جر عواه داخل قفص ضايق ومكتوف
مدري نلوم الوقت والا نلوم اهل المكاتيب=والا نلومه يوم حوّل وهو ماهوب مكلوف


معجب العتيبي

اللي ترك داره.. يبا يلحقه في وقته الشيب=والشيب لامن زاد ياصاحبي ماهوب منتوف
لا والله الا الوقت ياصاحبي.. مانلحقه عيب=الا الطمع والحرص لامن كثر والجوع والخوف


خشم عنان

الموت من في داره وماشيٍ حسب الاساليب=يعني مهوب اقشر ولولاهوب يارجال ملقوف
لكن حقه وخذ منه وسلم للأجانيب=وانا اشهد ان الوضع ذا ياعميلي يحرق الجوف


معجب العتيبي

الوضع حسب ضروف راع.. الفضا يمشي بترتيب=ترتيب واضح للملا والخلايق كلها تشوف
وقت اختبار الطالب الأسأله مرت بتسريب=واللي كذا فبدايته تااالي الايام معيوف

خشم عنان

من عقب ماراح المطوع وانا ادري الوضع اكاذيب=لعبه لكن ماهي على اهل العقول تمر وتطوف
راع الفضا اهم حاجه ملا من كدنا الجيب=اسمحلي اني ياعميلي اقول( ال......) مخطوف

معجب العتيبي

جابو لنا مطوع يبون الوضع مافيه تغريب=وصفوا لنا الارقام واسترسلوا ثم حطوا حروف
راع الفضا معذور يبغا قصر وفلوس مع جيب=واسمحلي اقول ان فينا البلا وازيدك حلوف

خشم عنان ومعجب صحت الألسن على هالطاروق الطيب