الى عتيبه الهيلا مع التقدير والاحترام

اول مشاركه لي وهي قصيدة تعريفيه واهدا الى قبيلة عتيبه وشكر لكل من رحب بوجودي بينكم وارجو ان ترتقي الى ذائقة الجميع
الاهيلاسلام

سلام الله على الهيلاء عتيبه مزبن المهتال=اعرفكم بنفسي والكمال لمن له الارقاب سجاده
انامن روس قوم له بذروات الفخرمنزال=ومن بيت زعيم للابته لأ عدوالساده
اناربعي الحسين مزبنة من به زمانه مال=دغيرات اذاللعلم والتاريخ نشاده
سناعيسن لهم بين القبايل والبشرمثقال=طنايالاهماوبل الوغاللموت وراده
انامن شمراهل الطايله والجود والمدهال=اذا عدو الرجال الحق بلأنقصان وزياده
انارجل امثل لابتي قدامكم يارجال=اذازليت من نفسي وربعي الطيب له عاده
وكلن فيه حقه والبشر في صاعها تكتال=ببزوغ الشمس لتاريخ بشروقه وميلاده
ويشرفني وجودي بينكم يعتيبه الابطال=لكم تقدير يالهيلاء بصدر الضيف وفواده
يالطامة العايل وذبح الحايل الافعال=طيبن بين برقاء وروق ناره دوم وقاده
واذا ركبوضهورالخيل كن فهل وطا زلزال=وكم زحزيح قوم وسدوه اذراعه وساده
رجال للعدى سم ذحاح ولرفيق اضلال=ورثن وارثينه ماخذوه قروض ورفاده
وهذا ماجنيته من خفوق لشخصكم ميال=لكم يعتيبه الهيلا يتاج المجد واسياده

شعر, نايف حزل العنيزان الشمري

صـــــح لسانك يانايــــف


وماعليكم زود يالسناعيس


وهلا وسهلا من الهيلا يانايف الشمري بين اخوانكم وفي منتداكم

الذي اسعدنا إنظمامك اليه

وعسى الله يجمعنا دائما على مافيه صالح ديننا ودنيانا

صـــــح لسانك يا نايف و الله لا يهينك

و نعم بقبيلة شمر

صح السانك يانايف على هالابيات الطيبه
والطيب مايجي الى من هل الطيب وانتم ياشمر وسبعة انعام معلاكم زووود

والنعم فيك وفي لابتك شمر


قصيدة رائعه


صح السانك يانايف الشمري

عشت يالذيب
وأعتلاا شانك
أنا أشهد أنك وافي
وياهلا ومسهلا
ومرحب مليون ولا يسدون
ونعم في شمر عامة
وفي نايف خاصة
والله يحييك
فالهيلا

صـــــح لسانك يابن حزل و الله لا يهينك

و نعم بقبيلة شمر السناعيس

صح السانك يانايف ويهلا فيك بين ربعك واخوانك
وهذا شرف لنا يالسنعوسي يوم شرفتنــــا
بمعنى الحب والتقدير

وتقبل اطيب التحايا

..
.
صح لسانكـــ يانايف السنعوسي ...
ماعليك ولا على لابتكــ زود ....
وخذ هذه الارتجاليه واعذرنا على القصور فيها
وتستا هل يالشمري






هلا يامرحبابك عد ماهل المطر وبال = عدد مالاح برق الوسم ولاّ ..دن رعاده
هلا يالشمري في منتدى الهيلا وخذ فنجال = فناجيل الكرامه تحمل إلك البن وقناده
كرامتك الشحم والعود الازرق ياعريب الخال = سلوم عتيبه الهيلا وصاة العود لحفاده
فعايلنا على وضح النقا تحكي بها الاجيال = لاواعدنا نجي قبل العدو في يوم ميعاده
رياجيل النهار المعتبر وزحول ماننحال = ولدنا ينتخي بالمرجله في داخل امهاده
لنا وقت اللوازم وقفة ٍتضربها الامثال = ومن لايثبت اقواله يخل السيف بغماده

نبادلكم شعور الطيب والتقدير والاجلال = لنا ميقاف واحد في سنام المجد وشداده
ياشمر طيبكم شاهر وظاهر والصحيح ايقال = مداغيش الرجال اللي لكسب النعم معتاده
اهل مجد ٍ تليد وسطوة ٍ منها العدا تهتال =سناعيس ٍ نهار الهوش للاخصام ضداده
وفي كل القبايل خير فالمنزال والترحال= هل الطالات والقالات كلٍ تبهر امجاده
يقوله شاعر ٍ جارى بيوتك في بيوت جزال = قبل يختم يقول الله يعز الشعب وبلاده
عسى الله يحفظ العاهل ملكنا طيّب الاعمال = وابو خالد ولي عهده عضيد الليث وسناده
صلاة الله على الهادي محمد مايهل اهلال = رسول ٍ خصه الله بالرساله وارشد عباده

ونعم بشمر والله كفوا


وصح لسانك يا نايف على الابيات الرائعه



وما عليكم زود







تحياتي

صح لسانك

من غير قصور فيكم

وعليكم السلام ورحمة الله وبركاته
وحي الله الشاعر نايف حزل العنيزان الشمري
وصح لسانك ونعم مليون بالطنايا

وبيض الله وجهك يا مرزوق على هذه الابيات الجزلة

صح لسانك يالشمري والله يحييك في منتدى الهيلا



مرزوق صح لساااااانك حتى ترضى على المشاعر الطيبة


والقصيدة الجزلة

ونعـم فيـك وبشمـر
:)
صـح السانـك يانايـف

وشرفتنـاا


...



,,

اخي عبدالله بن طلال تحياتي وتقديري ونعم فيكم,,,,,

الاخ مستشار القبيله شكراً لك وماعليكم زود يعتيبه

اخي فيصل اشكرمرورك ولك مني كل التقدير

صح لساااانك يا نايف..

و سبعة انعام فيك..وفي الطنايا..



مرزوق ..صح لسانك يا بحررر:)

ابو مرحبا الله لايهينك على مرورك وماعليكم زود

اخوي فيصل بن ضاوي ونتم لكم التقدبر والاحترام وشكراً لك

المشرف العام محمد بن غازي شكراً لك والله لايهنك علي ترحيبك ومرورك وجميع من رحب بي

من عيني اشكر طلتك وشكراً لك وسلمت

اخي العزيز مرزوق حمدان العتيبي شاعرنا العزيز اولاً شكراً لك على القصيده والمجارات الرائع لقصيدتي وانتم ياعتيبه تستاهلون اكثر من ذالك احترااااامي وتقديري.....

اخي ابو مصلح تسلم وصح بدنك ياعزيزي...

ابو رايد الجعيد تسلم وشاكر لك

وعليكم السلام ورحمة الله وبركاته
وحي الله الشاعر نايف حزل العنيزان الشمري
وصح لسانك ونعم مليون بالطنايا

وبيض الله وجهك يا مرزوق على هذه الابيات الجزلة

اخي ابوضيف الله تسلم وما عليكم زود,,,

صح لسانك يالشمري والله يحييك في منتدى الهيلا



مرزوق صح لساااااانك حتى ترضى على المشاعر الطيبة


والقصيدة الجزلة

اخي بندر المرشدي تسلم على مرورك وردك الجميل

ونعم بشمر والله كفوا


وصح لسانك يا نايف على الابيات الرائعه



وما عليكم زود







تحياتي

اخي الفاضل مرقاب تسلم على مرورك وشكراً لك

اخي بدر الكريزي تسلم يالغالي وشكراً لك

نايف بن عنيزان

صح لسانك وبيض الله وجهك على قصيدتك الرائعه
ونعم بقيلتك شمر