الضيقه اللي تجول بكل عصريه

بعد ماعشت في مدينة حفر الباطن اكثر من خمسه وعسرون عاماً
حبيت اسوي ابيات تذكرني به بعد المغادره منه ولعلها ترضي اذواق الشعراء والمتذوقين علماً باني لست بشاعر


الضيقه اللي تجول بكل عصريه=في خاطري ياكريم الجاه تخفيها
مافيه داعي ولاهيب بضروريه=مادام قلبي يحب الزين وشفيها
اللي ملكني بحبه شبه جوريه=ورده جميله صفار اللون كاسيها
انا وليفي شبيه الريم حوريه=بيضا سوات القمر محدن يخفيها
متغطرسه في الجمال وحي نوريه=من شان حب الجميل الرجل بحفيها
والله لو ان السليل حول سوريه=لفزع واجيبه وادسه عن سوافيها
في ديرتن للعرب والغرب سحريه=هي سلوة الروح والابدان تشفيها
داري واحبه شمال من النعيريه=غرب الصداوي ويامزين مرافيها
الحفر ياهل الحفر مافيه ماريه=حسن الطبيعه وزين الارض حاويها
لجا ربيعه تسمع صوت قمريه=في روس الاغصان والرحمن معطيها
جو(ن)رمنسي وفيه اللوان زهريه=يرد روحك ليا كثرت بلاويها
لصار جيبك جديد ومشي بريه=والعزبه مجهزه تمسي حراويها
اترك حجاز الفقر وديار شهريه=واترك علوم القشر واللي حراويها
خلك شمالي وشب وسو جمريه=وادلالك الصفر فوق النار مركيها
حبيت اعبر واعطرها بخمريه=لجل الشواعير بعدي ماتسويها

الشاعر:معيوف بن راجح المرزوقي

اترك حجاز الفقـر وديـار شهريـه
واترك علوم القشر واللي حراويهـا
خلك شمالي وشـب وسـو جمريـه
وادلالك الصفر فوق النـار مركيهـا


حبيت اعبـر واعطرهـا بخمريـه
لجل الشواعيـر بعـدي ماتسويهـا


لا والله ماتسويها "



معيوووف صح لسانك "

عزيزي المشرف الكريم

شهاده اعتز فيها من رجل كريم صاحب منطق شعري
وذوق رفيع

بارك الله فيك ورفع قدرك

قصيده طيبه
من رجل طيب

واااه من الضيقه اللي ماتجي الا عصير

صح السانك

شكرك على مرورك

والضيقه اللي ماتجي الا عصير استعن بالله واقراء قران