اقرب شاعر يسجل حضوره الان

السلام عليكم ورحمة الله وبركاته

ابدع ونا موووجوود

سلام سلام مثل العـود ريحـه يفيـح=على الرجال العوارف وسط ميدانها


جزل المثايل نباها بالكـلام الفصيـح=تـوزن ويرجـح بهـا يانـاس ميزانـهـا

يامرحبا رحب وافي يبري اللي جريح = تنصاك والاوله قدامنا عانها ...!
قال المثل لا تصيح الا ف\وقت المصيح = قود السوالف وربعك تعرف أوزانها ...!

ياسلام صح لسانك يافهد وصح لسان منصور مقدما

دام البقا والبلا رجل ن يحب المديح=ويقول دايانها ويصير مدانها

ومايصيح راع الفعول اللي تنومس نصيح=والمثمنه سلعته لوغليت أثمانها

نقّالة الشين دايم ملحها مايميح = الشين في راسها والزين ف\وزانها ...!
الناس تتعب على شوفة خدود المليح = لو تعبت اقدامنا نرحل على شانها ...!

نقالة الشين يوصف فعلها بالقبيح=والله يقبح وجيه ن شين عنوانها

قلبك خضر يالثبيتي واحضر (ا) من المطيح=ترى مطيح الجمال ايشل كرعانها

ام الكباير علينا جات تنقح نقيح = دام الحرابه لها ف\الحرب شجعانها ...!

ترا المعاني تعنيني وقلبي يشيح = ولا بعضها يغر الذيب برهانها ...!

ماتو هل الحرب فوق أقبورهم شف صفيح=وأم الكباير مشاكلها بورعانها

وباب ن يجي من ريح أسكره واستريح=ومن قدم الحسنه بنسان له احسانها

منصور الثبيتي


صح السانك وبيض الله وجهك يالقرم



الختام عندك ومع السلامه

ذيب الخلا مايهاب ام اللبن واللتيح = لن مرّها الذيب قامت تغمض اعيانها ...!
حل المشاكل يفيد اللي يقوم ويطيح = والقصر مهما يصير ثبوت عمدانها ...!

منصور الثبيتي


صح السانك وبيض الله وجهك يالقرم



الختام عندك ومع السلامه


لله يحييك ...!

صح بدنك شاعر جزل ...!


تحياتي ./

فهد الحصيني لله درك شاعر مبدع وكذلك منصور شاعر مبدع وتستاهلون لقب شاعر لكم تحيني وتقديري

ياسلام عليكم متابع ومع صفك يافهد