من لامني يبلاه ربي بدنياه جعله يجرب كيف فقد الغوالي

السلام عليكم ورحمه الله وبركاته


البارحه شي على الله مشكاه
كني فقدت اغلى ولد من عيالي

يا كبر غلي كيف ابدله وابنساه
والصبر ماظني عليه احتمالي

يبقى بوسط القلب حبه وذكراه
لو كان غيبته صدوف الليالي

عزي لقلبي يا مخاليق عزاه
حاولت ابااسلا ميرماني بسالي

من لامني يبلاه ربي بدنياه
جعله يجرب كيف فقد الغوالي

انا فقدت اللي على الطيب مبداه
مـن خلقته مـا شال قيل وقالي

انا فقدت اللي عظيمه سواياه
اشبهه مـثل الـغـديـر الـزلالي

يضحك حجاجه دايم لكل من جاه
للورع ولا الضيف حسن القبالي

من زود مابي قمت اعدد مزاياه
ومن زود ليت وليت جاني هبالي

ابو فهد شين الســويدي بلياه
مـا تنبغى لـو كـان فيها العيالي

يا الله عسى يرحمك ربي بحسناه
الـراحـم الغـفار رب الجـــلالي

في جنة الفردوس يا رب ماواه
جنسه قليل مــن قديم وتالي