يابعيد النظر حياك بين النمور

الشاعر بعيد النظر مسيت بالخير ودنا معك هالطاروق
وان شاء الله نختمه اللاله واسمح لنا لو حصل بعض التاخير
اسستلم


يابعيد النظر حياك بين النمور = في محل الوفا والعزوه الغاليه
ودنا معك نكشف خافيات الصدور = واصدق القول دامك واقف اقباليه

...
.

واصدق القول دامك واقف اقباليه ...
...

الله الله ياخوي السعد
شاعر وعز الله انك طلبت شاعر ...
واصلوا ... وحنا متابعين بشغف .. لابداعكم ..
.....

الشاعر بعيد النظر مسيت بالخير ودنا معك هالطاروق
وان شاء الله نختمه اللاله واسمح لنا لو حصل بعض التاخير
اسستلم


يابعيد النظر حياك بين النمور = في محل الوفا والعزوه الغاليه
ودنا معك نكشف خافيات الصدور = واصدق القول دامك واقف اقباليه

صـــح لـــســانـــك

وبانتظاااااااار بعيد النظر

خوي السعد
صح اللسانك
ياجزل
وبنتظااااااااااار
الشاعر الكبير
بعيد النظر

هلا وغلا ياخوي السعد الله يمسيك باالرضا والعافيه
لنا الشرف بهالطاروق والله إني كنت خارج لكن مايرد الكريم ألا لئيم
حياك يالغالي



ياخوي السعد تحيا ولا جا قصور
قالوا إن الجزا من جنس الأعماليه


سوقها يالعتيبي في غزير البحور
وآصدق القول مثقالٍ بمثقاليه

الغالي : مرزوق العتيبي
ماعليك زود طال عمرك
ومتابعتك تسعدنا
فديت راسك

مرحبا يالثبيتي طلال
حضورك نوماس ياصليب الراس
تقديري لك
فديت راسك

الغالي والرااائع / مقعد الدغيلبي
حياك الله يالغالي
ومتابة رجل وشاعر بحجمك تسعدني
لاهنت يابطل

ياسلام ياسلام

المعذره ياطويل العمر على التاخير الخارج عن الاراده
لكن سرها سرها


انت يومه نشدك الرجل بين السطور = ماعطيته جواب (ن) عبر الامثاليه
قلنا من تكون ولاتلف وتدور = كل لحيه لها قدر (ن) ومنزاليه

الاخوان للي سجلوا معنا على الصفحه حضورهم
مشكورين كلن باسمه ياهل الوفا.

طيّب ... طيّب

آنت بالحق تشهد ماآنت شهاد زور
تعرف تميّز المره من الحاليه



يوم نضرب مثل من ماضيات العصور
كيف تنسى ولاة سنينك الخاليه

طيّب ... طيّب

آنت بالحق تشهد ماآنت شهاد زور
تعرف تميّز المره من الحاليه



يوم نضرب مثل من ماضيات العصور
كيف تنسى ولاة سنينك الخاليه
هههههههه ول ول ..


انت منت بعلى قول الحقيقه جسور= لاتلفلف وتضربها على الجاليه
اعرف اللي طلع واضفى على الارض نور = غير سيد الخلايق ماله افضاليه

شعار اكبار خوي السعد وبعيد النظر صحت السنتكم
مبدعين وعلى القوه

خوي السعد
عزالله أنك على أسمك
وبعيد النظر على أسمه
بصراحه شعاااااار
على مستوى رفيع
بالابداع والجزاله
ولاهو غريب عليكم
تقبلوا فائق أحترامي
وتقديري واعذرنا يابعيد
فالطااااااااروق الاول
والله تحسفت على بعض
الكـــــــلام

...
.

نجد الابداع بكل معانيه على هذه الصفحه ..
لاهنت ياخوي والسعد ولاهان بعيد النظر اسماء رائعه
ومعاني واقوال اروع ..

هالله .. هالله

وآنت ماآنته ليا شفت الحقايق نكور
ولآنته اللي عطيت الرتبه العاليه



راعي العقل مايهرج بلياّ شعور
آنت تدري بها لاعاد تحتاليه

مرحبا يانشمي
وبالجميع مليون هلا

مقعد الدغيلبي

بالعكس الطاروق الأول ناجح من وجهة نظري بكل المقاييس
ولاصار منك قصور أبد وما فيه أحد منزّه
وابيض وجه يامقعد واللي يقول غير كذا صمته افضل
تقديري لكَ يامبدع

مرزوق العتيبي الغالي
لاهنت وحضورك ورأيك وشهادتك وإشادتك هي الفخر بعينه
لك تقديري ياخلوق

رهيب يابعيد النظر هاستلم


انت تنكر ولا ادري خوف ولا غرور = رجل واللي يبون اعلومك ارجاليه
مانبا السالفه من فوق تنزل حدور = كل دار (ن) لها ياذيب مدخاليه
الخاتمه عندك يالشهم
وصح لسانك

طيب .. طيب

أمطرت ياخوي السعد والأرض بور
مير عياّ يقر الما فى الأدغاليه




للمعاني بطون وللمعاني ظهور
وإن تعدتك معدالك بمعداليه




أبيض وجه يابحر

...
.
اقولها وبدون تصنع او مجامله
وربما يوافقني الكثير .....
ليس الدليل على قوة المحاوره كثرة الردود
واعداد الصفحات ... وانما قوة المحاوره تتبلور في جزالة المعنى
وتحديد الهدف والوصول اليه من اقرب الطرق

وقد رأيت ذلك في هذا المحراف الجميل ...
فلله دركما من شاعران ...
دمتم للاثراء ...
اخوكم ...