البواردي ..وش قيمه العود لو بالنار مانحرقه ؟؟؟
سلطان الجـذع29-Dec-2007, 08:42 PM
من العايدين بعد الزحمه ياابو سلطان :)
الليله الصيرفي يصرف سبايك ذهب =واغلى السلع فالمزاود سومها يفرقه
اطرب على خوة محمد صحيبي طرب =وش قيمه العود لو بالنار مانحرقه
محمد العضياني29-Dec-2007, 09:08 PM
من الفايزين يابو عبدالله
الليلـة الصيرفي لا طب سوق العرب= اخـاف بعض البضايع بالغلا ترهقه
وانا اتشــرف بمثلك لكــن ام الهدب=من دونها غبــةً يا صاحبي مغرقه
عيد العازمي29-Dec-2007, 09:14 PM
من العايدين يالجذع ويالبواردي
وعودة بابداع جديد غير مستغرب منكم
متااااااااااااابع
سلطان الجـذع29-Dec-2007, 09:30 PM
العام حالم بحلم مالقي له سبب =تبي تشدد قبر تركي جنوب ابرقه
انا ادري انك مع الشعار عز الطلب =لوكان تعدي مع الخيال ماتسبقه
سلطان الجـذع29-Dec-2007, 09:31 PM
من الفايزين يالعازمي
ومتابعتك شرف لايضاها
زيزوم مدركه29-Dec-2007, 09:34 PM
الله على الابداع
قطبي المحاورة سلطان الجذع والبواردي
معجب العتيبي29-Dec-2007, 09:37 PM
كل عام وانتم بخير
بدايه مكتوبه بسبائك الذهب تليق بمن كتبها وبمن يرد عليها
عاد شباب الهيلا وعاد الابداع مجددا
لا يسعني الا المتابعه والتأمل والاستفاده والحفظ ان لزم الامر
لله دركما فقد اعدتم للمنتدى بريقه من غير قصور بمن كان متواجد
الليل الليل يامبدعين
سلطان الجـذع29-Dec-2007, 09:40 PM
زيزوم مدركه ... لاهنت على تواجدك
سلطان الجـذع29-Dec-2007, 09:42 PM
سارح البال يقال (السوالف ماركه راعيها )
يكفينا فخر متابعتك وتواجدك الجميل ويكفينا شرف اطراءك الاجمل
ايها القامه الاخلاقيه ..الشامخه
محمد العضياني29-Dec-2007, 09:51 PM
حلمي بنجم الجدي وسهيل يابو شنب=والحمــــد لله تيسر والولي حققه
مانيب سابقك لامنـــك نويت الهرب=لكن توقـّع يصيبـــك يالحبيب فشقه
محمد العضياني29-Dec-2007, 09:53 PM
العازمي
زيزوم مدركة
سارح البال
هلا وغلا بكم جميع
صحت ابدانكم
وشرفتونا بحضوركم لاهنتوا
سلطان الجـذع29-Dec-2007, 10:15 PM
ياربعنا محمد الروقي كتب وش كتب ؟=قيل اسحق امحق يحاول شئ مايلحقه
بعض السوالف تجي سحوب والها ذنب =ماني لها ارميبها في داخل المحرقه
معجب العتيبي29-Dec-2007, 10:20 PM
سلطان الجذع
الليله الصيرفي يصرف سبايك ذهب=واغلى السلع فالمزاود سومها يفرقه
اطرب على خوة محمد صحيبي طرب=وش قيمه العود لو بالنار مانحرقـه
البواردي
الليلة الصيرفي لا طب سوق العرب=اخاف بعض البضايع بالغلا ترهقه
وانا اتشرف بمثلك لكن ام الهـدب=من دونها غبةً يا صاحبي مغرقـه
سلطان الجذع
العام حالم بحلم مالقي لـه سبـب=تبي تشدد قبر تركي جنوب ابرقـه
انا ادري انك مع الشعار عز الطلب=لوكان تعدي مع الخيال ماتسبقـه
البواردي
حلمي بنجم الجدي وسهيل يابو شنب=والحمد لله تيسـر والولـي حققـه
مانيب سابقك لامنك نويت الهـرب=لكن توقّع يصيبك يالحبيـب فشقـه
سلطان الجذع
ياربعنا محمد الروقي كتب وش كتب ؟=قيل اسحق امحق يحاول شئ مايلحقه
بعض السوالف تجي سحوب والها ذنب=ماني لها ارميبها في داخل المحرقـه
سلطان الجـذع29-Dec-2007, 10:23 PM
سارح البال يعجز .اللسان عن شكرك
بيض الله وجهك
محمد العضياني29-Dec-2007, 10:34 PM
بين الثرى والثريا فرق يابوعتب=والافـق ماهوب مثل الصالة المغلقه
راع الذلول ان لقا فالدرب ذيبً عضب=ماهوب مكلوف به يعطيه بالملعقه
ابو بندر29-Dec-2007, 10:40 PM
سلطان الجذع
البواردي
بيض الله وجيهكم واصلوا يعجبني الابداع
يا مبدعين متابعين
نايف بن ملحق الثعلي29-Dec-2007, 10:44 PM
سلطان الجـذع29-Dec-2007, 10:47 PM
هماج شرب الذي من كف غيره شرب =والغصن ليّن وهبات الهوى تطرقه
لو الزمن مارما بك في غصون النشب =يمكن تحول على الطابور وتفرقه
معجب العتيبي29-Dec-2007, 10:51 PM
سلطان الجذع
الليله الصيرفي يصرف سبايك ذهب=واغلى السلع فالمزاود سومها يفرقه
اطرب على خوة محمد صحيبي طرب=وش قيمه العود لو بالنار مانحرقـه
البواردي
الليلة الصيرفي لا طب سوق العرب=اخاف بعض البضايع بالغلا ترهقه
وانا اتشرف بمثلك لكن ام الهـدب=من دونها غبةً يا صاحبي مغرقـه
سلطان الجذع
العام حالم بحلم مالقي لـه سبـب=تبي تشدد قبر تركي جنوب ابرقـه
انا ادري انك مع الشعار عز الطلب=لوكان تعدي مع الخيال ماتسبقـه
البواردي
حلمي بنجم الجدي وسهيل يابو شنب=والحمد لله تيسـر والولـي حققـه
مانيب سابقك لامنك نويت الهـرب=لكن توقّع يصيبك يالحبيـب فشقـه
سلطان الجذع
ياربعنا محمد الروقي كتب وش كتب ؟=قيل اسحق امحق يحاول شئ مايلحقه
بعض السوالف تجي سحوب والها ذنب=ماني لها ارميبها في داخل المحرقـه
البواردي
بين الثرى والثريا فـرق يابوعتـب=والافق ماهوب مثل الصالـة المغلقـه
راع الذلول ان لقا فالدرب ذيبً عضب=ماهوب مكلوف به يعطيـه بالملعقـه
سلطان الجذع
هماج شرب الذي من كف غيره شرب=والغصن ليّن وهبات الهـوى تطرقـه
لو الزمن مارما بك في غصون النشب=يمكن تحول على الطابـور وتفرقـه
ووجهك ياسلطان وحلاتها لاجات مرتبه انا شخصيا افهما اكثر
علي فلاح العضياني29-Dec-2007, 11:06 PM
الله الله
هنا يكمن الابداع بوجود الشعار الكبار تشتعل المحاوره نار على نار
لله دركم والصف صفك يالجذع
سلطان الجـذع29-Dec-2007, 11:13 PM
سلطان الجـذع29-Dec-2007, 11:14 PM
الفالح انت كبيرنا الذي علمنا السحر قصدي الشعر
لك كل الشكر
محمد العضياني29-Dec-2007, 11:22 PM
شرابنا يالبعير اللي ثنيت الركب=بايماننا وان وردنا العد رحت مرقه
افتل شواربك والحق نيرتك بالحطب=ان كان باقي معك قرشً حمر تنفقه
محمد العضياني29-Dec-2007, 11:25 PM
سارح البال
تشرفت الصفحة بمرورك والابيات بتنسيقك
تقبل الشكر والتقدير يالذيب
محمد العضياني29-Dec-2007, 11:26 PM
ابو بندر
نايف الروقي
الفالح
مرحبا مرحبا
وجودكم تشريف يا اساتذه
Man من العتبان29-Dec-2007, 11:30 PM
سلطان الجذع & البواردي
كتبتوا فكان الأبداع حليفكم
محمد العضياني29-Dec-2007, 11:51 PM
رجل من العتبان
حياك الله
شرفنا حضورك
صح لسانك يا سلطان الجذع ( رمز الابداع )
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
