زياد الشطيطي اقرب
عقاب العنزي11-Feb-2009, 02:33 PM
يازياد الشطيطي بعد طال الجدال = القضيه نبا تكشف لنا اسرارها
بعد زاد الاثم وانصاد ذيب العيال = حفرة ابليس تنكب فعل حفّارها
مرزوق حمدان العتيبي11-Feb-2009, 03:03 PM
بعد زاد الاثم وانصاد ذيب العيال
حفرة ابليس تنكب فعل حفّارها
...
.
الله الله صح لسانك ياعقاب ..
وصح لسان زياد مقدماً
عبد العزيز العضيــاني11-Feb-2009, 03:15 PM
بعد زاد الاثم وانصاد ذيب العيال
حفرة ابليس تنكب فعل حفّارها
الله الله..
ياسلالالالالالالالالالالالام
بدعه من الوزن الثقيل
صح لسااانك..ولسان الشطيطي
معجب العتيبي11-Feb-2009, 05:05 PM
الله الله
صح لسانك ياعقاب
وصح لسان زياد مقدما
زياد المزرمي11-Feb-2009, 05:28 PM
الهواء وش يسوي مع شموخ الجبال = ابك هاذي كبيره دوّرو غارها
كان ترخي سموعك كل علمٍ يقال = قيل فأفضل عباد الله واخيارها
معجب العتيبي11-Feb-2009, 05:33 PM
كان ترخي سموعك كل علمٍ يقال = قيل فأفضل عباد الله واخيارها
الله الله يازياد
صح لسانك
زياد المزرمي11-Feb-2009, 05:33 PM
مرزوق حمدان
صح بدنك يا ابو حمدان
ومرورك شرف يا بعدي
عبد العزيز العضياني
صح بدنك يا ابوسفر
ومنوورنا بوجودك
معجب العتيبي
صح بدنك يالعمده:)
ونحن سعداء بتواجدك في متصفحنا
سهم الليل11-Feb-2009, 05:42 PM
كان ترخي سموك لكل علمٍ يقال=قيل فأفضل عباد الله وخيارها
صح لسانك
وصح لسان عقاب
متابع
زياد المزرمي11-Feb-2009, 05:48 PM
سهم الليل
مرحبا ومسهلا يا ابن مشيب
وصح بدنك منوورنا يالغالي
عقاب العنزي11-Feb-2009, 07:03 PM
ماندور عليكم يامطير الخمال = في طوال السوالف ولا بااقصارها
قارئين الكشوف البيض يابن الحلال = وانت تبغى القضيه تنخمد نارها ؟
عقاب العنزي11-Feb-2009, 07:04 PM
مرزوق بن حمدان , عبدالعزيز العضياني , معجب العتيبي , سهم الليل
صحة ابدانكم والله لايهينكم جميع
تقديري
زياد المزرمي11-Feb-2009, 07:19 PM
كان ما ضاع لك فيها جنيه وريال = ليه تبحث عن الدعوى ومشوارها
كيف تنشد ما دام بيدك رد السوال = شيل جثتك وانت اليوم قبارها
عقاب العنزي11-Feb-2009, 07:56 PM
جيت اهني جهود امحاربين الهزال = الرجال التقيه طالت اعمارها
قلت يمكن نلاقي عكس ذلك مجال = واثر ظني صدق سترك ياستارها
حاكم الغنامي11-Feb-2009, 08:19 PM
الله الله
عقاب العنزي
و
زياد الشطيطي
متابعين للابداع
صحت السنتكم
عقاب العنزي11-Feb-2009, 08:21 PM
حاكم الغنامي
ياهلا ومرحبا وصح بدنك يالغالي
تقديري
قادح شرار11-Feb-2009, 08:36 PM
نقاش ما ندري وش تاليـــــــه ؟
بس أنا في صف زياد ... ولا يهون صف عقاب ...
تقبلوا مروري ...
زياد المزرمي11-Feb-2009, 08:37 PM
تخلطون الحرام الشين جنب الحلال = مار بالهرج نفسك ما خذت ثارها
والله انه ما يبحث عن عيوب الرجال = غير ناسٍ قضت بالهزله اعمارها
صح اللسانك يا عقاب
وتشرفنا بك
تصبح على خير
عقاب العنزي11-Feb-2009, 08:39 PM
صح بدنك يالشطيطي وانت الشرف
تلقى خير
,,
ابو فايح11-Feb-2009, 08:40 PM
الله الله
ابداع نادر
عقاب عنده ادله وبراهين
لكن زياد ماشاء الله عليه ابدع جل ابداع رغم ضعف موقفه
زياد المزرمي11-Feb-2009, 08:47 PM
حاكم الغنامي
صح بدنك يالذيب
ومنوورنا
قادح شرار
صح بدنك يالقرم
والصف يزهابك بلا شك
ابو فايح
وجهة نظر واحترمها:)
عقاب العنزي11-Feb-2009, 08:49 PM
ابو فايح صح بدنك وياهلا ومرحبا
ابن مشيب11-Feb-2009, 10:23 PM
محاورة دفن وفتل ونقض لاتوضيح مكشوف ولاذكر اسماء معروفة , وهذه طبيعة المحاورة ونهجها الصحيح , وياليت نجد مثلها هذه الايام بين الشعراء , صحت السنتكم ياعقاب ويازياد , وبيض الله وجيهكم على هذا الطروق الملتزم بنهج ساس المحاورة الصحيح.
تحياتي
زياد المزرمي12-Feb-2009, 01:18 PM
ابن مشيب
صح بدنك يالقرم
وشهادتك وسام لنا
تقبل جل احترامي
عيد العازمي12-Feb-2009, 01:24 PM
عقاب
وزياد
الله الله
جمال نقاش في قالب ودي
صحت السنتكم
عقاب العنزي13-Feb-2009, 03:22 PM
ابن مشيب لاهنت على الاشاده التي هي وسام على صدورنا بصراحه
تقديري
,,
عقاب العنزي13-Feb-2009, 03:24 PM
العازمي
مجرد مرورك بالمتصفح بحد ذاته شرف من شاعر له ثقله بالشعر عموما ً
,,
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
