رفيع المنازل 000اقلط جاي
صاهود22-Sep-2009, 11:13 PM
مرحبا والجمل ياقف علي طوله=لوعليه الحمول اشكال والواني
يارفيع المنازل كمل الجوله=لين نعرف من المظلوم والجاني
صاهود22-Sep-2009, 11:30 PM
ابعدي يارفيع المنزل امخلي الجهاز شغال ورايح وانا احسب انك موجود
ههههههههه
رفيع المنزل22-Sep-2009, 11:54 PM
والله طلعت ورجعت ياذيب عروا وتوي انتبه
مار استلم
البقا والنفوس القشر مجبوله = تنحدي للقشاره ثم تحداني
من طرفكم بيوت الناس مدخوله = لاغريبه تشوف الوضع خرباني
عقاب العنزي23-Sep-2009, 12:05 AM
صحة الالسن والقلوب مبدعين
وماسك لكم الصفوف
..
رفيع المنزل23-Sep-2009, 12:12 AM
صح بدنك ياعقاب
والله محيي وجودك
صاهود23-Sep-2009, 12:27 AM
معذور معذور
لاتزر الجكيت وتترك الغوله=راجع اقصا الامور وراجع الداني
انت لو تحسن النيات فالدوله=كان ماشفت الاول يكره الثاني
صاهود23-Sep-2009, 12:28 AM
مرحبا ياعقاب وحييت
وصح بدنك
والله يخارجنا من رفيع المنزل
رفيع المنزل23-Sep-2009, 12:49 AM
لو خزانة شحيح المد مقفوله = كان ماعبت مده يومه اعطاني
كل عقده من العربان محلوله = والمطيري ترى ماشانه بشاني
صاهود23-Sep-2009, 01:01 AM
لاتحاسب علي اللي فات وشهوله=انت مسلم رحوم ومنت نصراني
لاتطبّل مع الشيطان بطبوله=ماهي ابسلّم جدانك وجداني
رفيع المنزل23-Sep-2009, 01:16 AM
البلا في صديق ابليس وفعوله = كل مااصفي معه بالشر يبلاني
صاحبي من بعد مابانت دلوله = لايجي قدمنا في كل ميداني
صاهود23-Sep-2009, 01:34 AM
هههههههه
الميزان اّمتلا لاتدبل التوله=أمرك للموده وانت تنهاني
صاحبك ماوطا جرتك بنعوله=تصفقه بالحصا وتعلق العاني
صاهود23-Sep-2009, 01:47 AM
صح السانك يارفيع المنزل
واسمح لي كان جات زله
وتصبح علي خير
رفيع المنزل23-Sep-2009, 02:09 AM
النصيحة من اهل الدين مقبوله = لكن احفظ لسانك واحفظ لساني
الهدف لو يبين ماانت في حوله =كم عيار ٍ رميت بدون نيشاني
رفيع المنزل23-Sep-2009, 02:10 AM
تصبح على خير ياذيب عروا
ومامنك زلة ابد انت الليلة كويس هههه امزح
مار اسمح لنا
دمت بخير
صاهود23-Sep-2009, 02:13 AM
تصبح على خير ياذيب عروا
ومامنك زلة ابد انت الليلة كويس هههه امزح
مار اسمح لنا
دمت بخير
انا ترا ماغلي الواحد لين اتقاضب معاه الشوش
وانت الحين حطيتك في نوتة الغالين
تحياتي
رفيع المنزل23-Sep-2009, 02:15 AM
صحيح ياذيب عروا
مامحبة الا بعد عدواة هههههه
وانت كذلك غالي ومن قبيلة غالية
الاقليات مالها الا بعضها ههههه
رعد الروقي23-Sep-2009, 09:34 PM
يا سلام عليكم
ذيب عروا // رفيع المنزل
صحت السنتكم يا مبدعين
رفيع المنزل23-Sep-2009, 11:44 PM
يا سلام عليكم
ذيب عروا // رفيع المنزل
صحت السنتكم يا مبدعين
العمده اهلا بك
صح بدنك والابداع بحضورك
صاهود24-Sep-2009, 02:07 AM
صح بدنك يالعمده
وعيدك مبارك
حفيد سهوم المنايا24-Sep-2009, 03:07 AM
الله الله وش هالابدااااااع
ذيب عروا ماشاء الله عليك شعرك جزل واخلاقك رفيعه وعلومك جزله كلها والصف صفك يالذيب
رفيع المنزل صح اللسانك كفو والله انكم شعار وجزلين شعر واخلاق
تحيتي
صاهود24-Sep-2009, 12:44 PM
الله الله وش هالابدااااااع
ذيب عروا ماشاء الله عليك شعرك جزل واخلاقك رفيعه وعلومك جزله كلها والصف صفك يالذيب
رفيع المنزل صح اللسانك كفو والله انكم شعار وجزلين شعر واخلاق
تحيتي
صح بدنك
والجزاله حضورك
وأشادتك وسام علي الصدر
لاهنت يالقرم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
