اللّي من اول مايعرف البشت///يطمر على المرقاب والساحه!!

السلام عليكم ورحمة الله وبركاته

وكل عام وانتم بخير


والمعذره على طول الغياب


كيبورديه هجينيه تتحدث عن نفسها



لا عشت ياوقت العجب لا عشت=أهل البشوت اليوم مرتاحه
واللّي من أول مايعرف البشت=يطمر على(المرقاب)و(الساحه)
ويقول أنا فوق العرب كوّشت=بشتي عليه عطور فوّاحه
وعلى الشيوخ الباقيه همّشت=ماشفتوا(الأقشر) ومسباحه
وألقيت لي كلمة وأنا ما أرمشت=وأعجبني الجمهور بصياحه
وأخذت.. وأعطيت ..وبعد ناقشت=أنحط فالحفلات مرجاحه!!
نعنشتهم بالحيل ..وأتنعنشت=وصفّقت بالرّاحه على الرّاحه
ويقول أنا اللّي قمت واللّي ششت=ما يدري أنَها طاحت الطاحه
لا والله ..ألاّ بيّضت في طشت=للي من أول ..نعرف إمراحه؟؟
ياراعي الأغنام ياما حشت=وكلابك الطوقان.. نبّاحه
خيّشك وقتك صح وأتخيّشت=مير الليال السود فضّاحه
تحمّد النعمه بعد كرّشت=وأخذ لك من (سليب)طُرّاحه
أنته من مدوح العرب وش نشت=لا يغرّك الكذّاب بأمداحه!!
أبلشت عمرك يأجودي وأبلشت=حتى بني زهران فالباحه!!
العام لن جوك الضيوف أنحشت=ياكبر قفلك..كيف مفتاحه؟؟
واليوم صاير شيخ لابس بشت=وتموت فالمرقاب والساحه!!
اخوكمـ /عيضه الثبيتي
29/8م1431هــ

حجز المقعد الاول ..

الله الله الله


صح لسااانك يابو فيصل ..


ولا عدمناك يالغالي
..

السلام عليكم ورحمة الله وبركاته

الله لا يهينك ياعيضه وقصيده رائعه وتألق جميل
العام لن جوك الضيوف أنحشـت
ياكبـر قفلك..كيـف مفتاحـه؟؟
واليوم صاير شيخ لابس بشـت
وتموت فالمرقـاب والساحـه!!

صح السانك راعي هالهجينية الشاعر عيضة

قصيدة جميلة بغض النظر عن هدفها وسبب خروجها وهذا لايعنينا

ومايعنينا هو شاعرها وجزالته ومعانيه وشبكه وحبكه

لاهنت وكل هام وأنت بخير ومبارك عينا وعليكم الشهر

لا والله ..ألاّ بيّضت في طشـت
للي من أول ..نعرف إمراحـه؟؟
ياراعي الأغنـام يامـا حشـت
وكلابـك الطوقـان.. نبّـاحـه


جعلها ماتصير في صديق هالقصيدة خخخخخخ

حياك الله يابو فيصل

ومبروك عليك وعلى الجميع الشهر

وصح لسانك ووالله انك ماعديت الا الصدق

وننتظر قصايدك

محبك

أبو فيصل


يعلم الله انك مبدع مبدع مبدع


صح لسانك صح لسانك صح لسانك حتى ترضى


ولاتحرمنا جديدك ولاعاد تطول الغيبه :)

ابداااااااااااع ياابوفيصل

صح السانك مدد بلا عدد

اشكر اخي الشاعر عيضه الثبيتي على هذاي القصيدة الوووووقعية

لله درك على هذه الجزله تقبل تقديري

الله الله

صح لسانك يابن هليل والله لايهينك

الله الله

صح اللسانك يابو فيصل

مبدع كعادتك

لك خالص تقديري

..

.

ابدعت يابو فيصل وصح لسانكـــ
....

صح لسانك ياعيضه وياحليل المرقاب والساحه بالدراهم ويا ولااااااااااااااابلاشي خل الناس مرتاحه مضاهير ولا اروع ووجيه بجاحه

ايبله

اللي من اول ما يعرف البشت
يطمر على المرقاب والساحة

صح لسانك جزل

أنته من مدوح العرب وش نشت
لا يغـرّك الكـذّاب بأمـداحـه!!

ابداع حتـــــــى الجنوووووون

صح لسانك ماقصرت اشبعت ذائثتي الشعريه

ابو متعب


لا هنت على حضورك

ابو فيصل


عزالله انه هجينيه

عسى الرفيق ما يبلابها !!

ههههههههههه


صح لساااااااااااااااانكـ ملايين

ابداااع لاحدود له ..

صح لسانك حتى ترضى ياعيضه

سجّل اعجابي بما قدمت

..

احمد منير الروقي



صح بدنك



لا هنت على حضورك



ومن العايدين

الله الله

عزالله صدقت من أول بيت لآخر بيت


مبدع

وصح لسااانك


ولاهنت