دره ومكنونه!!
الخــراص19-Feb-2005, 01:52 AM
يالله ياللي حميت البيت وأركونه=ياواحدٍ عالمٍ جهري وكتماني
أفرج لعينٍ من الأحزان مغبونه=وقلبٍ خفوقٍ لعب فيه وعناني
بأسباب خلٍ حدونا الناس من دونه=وانا على شوفها مغرم وولهاني
عمهوجةٍ غاليه بالحيل مزيونه=الله عطاها جمال أشكال وألواني
إن جيت للوصف شعري تعجز الحونه=الله أكبر جمالك يعقد ألساني
أنتي تبين الخبر دره ومكنونه=وإلا القمر لأكتمل في نص شعباني
( وإلا قصيدة شعر في بنت مزيونه=واللي بدع قافها وصل العطياني)
ياللي خذيتوا قليبي لاتردونه=أحسلي أموت مأعشق واحدٍ ثاني
الحب ذي دبرته يضهر بطاعونه=واجد ضحاياه من مسلم ونصراني
ماني بأنا اول حبيبٍ راح مضنونه=هذا زمانٍ وطى غيري توطاني
بحر النسيان19-Feb-2005, 04:35 AM
اطلاله مشعه من جديد تضيئ لنا هذا المنتدى الغالي
عندما وجدت الموضوع لم اتردد ابداااا في دخوله وذلك لعلمي الاكيد بانه لن يخرج من بحر ابداعك غير الدرر الثمينه
فـــ لله درك اخوي الخراص وسلمت لنا اناملك المعطره برياحين الابداع والتميز :)
مازلنا بانتظار الجديد منك دائما وابدا ..
تحيااااااااتي لك
( وإلا قصيدة شعر في بنت مزيونه
واللي بدع قافها وصل العطياني)
>>>> احلى يابو مشهور صرت مضرب للامثال :) " تستاهل والله "
((الدلبحي))19-Feb-2005, 10:58 AM
الحب ذي دبرته يضهر بطاعونه
واجد ضحاياه من مسلم ونصراني
ماني بأنا اول حبيبٍ راح مضنونه
هذا زمانٍ وطى غيري توطاني
صح السانك يالخراص
تحيااااااااااااتي
الوجيه19-Feb-2005, 01:05 PM
صح السانك يالخراص وقصيدة جميلة منك
في انتظار جديدك وجميلك من الشعر
اخوك
الوجيه
مرزوق حمدان العتيبي19-Feb-2005, 02:01 PM
...
وش اقول بس
مهما كتبت من عبارات الاطراء فلن اوفيها حقها والله اني صادق
شاعر رائع يالخراص صح لسانك ..
اي والله مثل ماقلت:
أنتي تبين الخبر دره ومكنونه
وإلا القمر لأكتمل في نص شعباني
( وإلا قصيدة شعر في بنت مزيونه
واللي بدع قافها وصل العطياني)
عز الله انك ماكذبت ان ابو مشهور
الى قال القصيده اجاد وافاد ..
تقبل تحياتي.
وصل العطياني؟؟؟20-Feb-2005, 06:01 AM
لي عودة بحول واحد أحد :)
تحيااااااااتي
مروي العطاشا20-Feb-2005, 10:26 AM
الخــراص22-Feb-2005, 11:55 PM
بحر النسيان
الف شكر على المرور
والأطراء الجميل
وتحياتي لك
ولاهنت ياغالي
الخــــــــــــــــراص
الخــراص12-Mar-2005, 01:02 AM
مرزوق العتيبي
الف شكر على الأطراء الجميل
معليك زود يأبن العم
مدري وش أقول
ولكن تقبل تحياتي من القـــــــــــلب
الخــــــــــــــــراص
وصل العطياني؟؟؟23-Mar-2005, 06:38 AM
سلام علاكم :)
اخوي " الخرّاص "
قصائدك لها طابع خاص ورونق وجمال منفرد ...
وهذه القصيدة بغض النظر عن ورود إسمي فيها إلا إنها ولا أروع ...
صح لســـانك مليووون ولا يكفوووون ...
وبيض الله وجهك يالنشمي ...
وآسف على التأخير :(
تحيااااااتي
ناصر بن محمد العتيبي24-Mar-2005, 10:41 AM
وإلا قصيدة شعر في بنت مزيونه
واللي بدع قافها وصل العطياني
والله انه كفوا الرجل الي ذكرت
صح للسانك يالخراص
قصيده جميله بين حبك وسبك
دمت بخير
الخــراص27-Mar-2005, 07:16 PM
الشاعر الكبير
وصل العطياني
الف شكر على الأطراء الجميل المشجع
تحياتي لك
( من جاء مأبطا)
أخوك الخراص,,,,
الخــراص27-Mar-2005, 07:17 PM
ناصر بن محمد
مرحبابك
ولاهنت
تحياتي لك ولكل الأعضاء
الخــراص07-May-2005, 03:58 AM
مروي العطاشا
صح بدنك
ولاهنت على المرور
الازوري07-May-2005, 12:03 PM
الله الله
صح السانك
ولا هنت
تحياتي
الخــراص01-Jun-2005, 11:30 AM
الأزوري
صح بدنك
وأشكرك على المرور
