مستور العصيمي(خانتني الخاينه ملعونة الوالدين:)

البدايه من مستور طبعا


مستور العصيمي


يالله يالله توفقنا الطريق اليمين =ابجاه من قبل الكعبه وصلابها

يامرحبا بسم صاهد والعيال اجمعين=واسم الشيابين حاضرها وغيابها


صقر سليم

تدعي وحنا معك بالعلم ونقول امين=والطيبه يالعصيمي حظ من جابها

دام البقى عند شيخن فاللوازم يبين=من عزوة فالمواقف يحسب احسابها


مستور العصيمي


خانتني الخاينه ملعونة الوالدين=كبرت وظاقت علي وشقت اثيابها

بريتها في سنه وازعلتها في سنين=ماعاد باقي لها حيلة تلهابها

صقر سليم

اليوم معك اربعه والعام معك اربعين=هاذا نهايت حياتك ويش تبغابها

العام تنثر عليك الورد والياسمين=واليوم قدام عينك قفلت بابها

مستور العصيمي

هاذي اليالي كذا والله عليها يعين =لكن ما للاصيله غير ركابها

انته سوات المريض الي يجر الونين=اتلا الزمن ماتموت الا من اسبابها

صقر سليم

اعطيتك العلم لا مره ولا مرتين=والياك لاشفت لك شجره تلوابها

لو كان حطيت يامستور حصن حصين=ماكان الزمل يمك مدت ارقابها هههههه

مستور العصيمي

تراك يالادمي مخلوق من ماء وطين=لا تقرب (الجوهره) من دونها دابها

حنا ترانا نذر الكحل في كل عين=والكحل ضر العيون السود واهدابها ههههه

صقر سليم

ماطلع ادم من الجنه ياكود اللعين=حتى عياله لحقها ثم غوابها

والحنضله لو تحلا بالعسل ماتزين=حتى عصاها تضر الي تعصابها





حفلة زواج سلطان الجلاوي

http://www.youtube.com/watch?v=xnWZakU0-vY

مشكور يالغالي,,,

حياك يالذيابي

الله الله الله
ابدااع ابداااع
بداية معنى من مستور قويه توضيف معنى
100ب%
بس حنى ابتلشنا بين معمر القذافي ولازين العايدين
زين يوم خانته حرمته
ومعمر يعني خانته البلاد
والرمزيه بالاربعين
وهذا وجهة نظري واحتمال لااجزم بأن هذا المعنى

حياك ياخالد والمعنى ابعد من كذا يالذيب

من أفضل الطواريق في حفل الجلاوي


معنى ومبنى


المعنى الأقرب أنه في أمورنا الداخليه وبعض القرارات


لاهنت يا مطلق

مستور جد الشعراء وابو المحاوره
العود يتجدد الله يطول عمر ابو تركي
واعتقد بعد غياب مستور لايوجد محاوره
ما قصر 50 عام بخدمة المحاوره
والله يكفيناء شر الخيانه

صح السنت الشعار

ولاهنت على النقل

رايق العود هاك الليل ههههه



صح لسان العصيمي والسلمي

واظنها فاحداث الروافض

من أفضل الطواريق في حفل الجلاوي


معنى ومبنى


المعنى الأقرب أنه في أمورنا الداخليه وبعض القرارات


لاهنت يا مطلق




حياك يابو فايح وفعلا هذا افضل طاورق فالحفل

مستور جد الشعراء وابو المحاوره
العود يتجدد الله يطول عمر ابو تركي
واعتقد بعد غياب مستور لايوجد محاوره
ما قصر 50 عام بخدمة المحاوره
والله يكفيناء شر الخيانه







حياك يالحافي ومشكور على كلامك الطيب

ابو براك ****جزاع العتيبي

حياكم الله يابناء العمومه

نقل رائع يا مطلق أشكرك عليه

وأعتقد المعنى الملعبه وخيانتها لمستور

من ناحية توجيه الدعوات وقلتها في الفتره الأخيره

تقولون المعنى الملعبه وخيانتها لمستووووور.
لاكن مستوووور ذكي وشاااااعر نقض يعني
ماهوب مهبول يحط المعنى هذا لو يحط المعنى هذا
صار لقمه سهله لصقر السلمي
لئن المعنى هذا نقضه سهل
ولاااااتوقع ان مستووووور بيحط معنااااه هذا
ولو ان هذا المعنى كان شفت مستوى مستور غير
وتشووف مستوى صقر قووووووي
لاكن المعنى بعيد اما مثل ماذكرت او مثل ماذكر ابوفااايح

تقولون المعنى الملعبه وخيانتها لمستووووور.
لاكن مستوووور ذكي وشاااااعر نقض يعني
ماهوب مهبول يحط المعنى هذا لو يحط المعنى هذا
صار لقمه سهله لصقر السلمي
لئن المعنى هذا نقضه سهل
ولاااااتوقع ان مستووووور بيحط معنااااه هذا
ولو ان هذا المعنى كان شفت مستوى مستور غير
وتشووف مستوى صقر قووووووي
لاكن المعنى بعيد اما مثل ماذكرت او مثل ماذكر ابوفااايح


يا رجال مستور ثقته بنفسه قويه بأمكانه يتطرق لهذا المعنى
وهو طايل راس بعد ان خدم الشعر لأكثر من 50 سنه
وخلد أسمه مع رموز المحاوره

اما من ناحية المعنى انا لا أجزم انه الملعبه
انا قلت اعتقد وكل المؤشرات حسب وجهة نظري
هوا ما تطرقت إليه والله أعلم.

محاورة قوية والمعنى حسب ظني كما تفضلوا الأخوان بأنه على (( الرافضة وأحداث القطيف ))