16-Jan-2012, 06:15 AM
ياهجوسي وقفي للزوم وساعديني = ساعدي حالٍ من الوقت زايدتن غبونه
عبري عن واقعه لين مكنونه يبيني = دام شعرك مع هل الشعر ماتجهل لحونه
التزمت الصمت مده عسى حالي يزيني = مير مافاد التزامي ولاجاء في يكونه
والصبر كمل ولالي بعد صبري عويني = اتحيزم به ليا من وضعي ضاق شونه
حالي اللي قامت تقالبه غبر السنيني = الدهر مع كل بادي يكشر لي سنونه
والظروف تحوفني من يسار ومن يميني = لين جسمي من تزيادها ثقلت متونه
يازماني ليه تقسا علي ولاتليني = وفوق رديان العرب جانبك كله ليونه
لين شاخوا تالي ايامك قصار اليديني = وكل واحد من غروره منافيصٍ عيونه
والله اني مع هل الطيب ماتقصر يميني = اصل اللي قاصرين الجدا ماياصلونه
لكن الحظ الردي بالنحاسه يحتريني = لابغيته قام يسحب على دربي ردونه
لين رزقي كل مابان الي قدام عيني = حالوا الحساد دونه وحال الياس دونه
يالله انك لاتخيب رجايه يامعيني = انته اللي من رجاء فيك ماخابت ظنونه
والا خلقك جلهم شامتين وحاسديني = عيدهم لاشافوا الكفو تغشاه المهونه
عبري عن واقعه لين مكنونه يبيني = دام شعرك مع هل الشعر ماتجهل لحونه
التزمت الصمت مده عسى حالي يزيني = مير مافاد التزامي ولاجاء في يكونه
والصبر كمل ولالي بعد صبري عويني = اتحيزم به ليا من وضعي ضاق شونه
حالي اللي قامت تقالبه غبر السنيني = الدهر مع كل بادي يكشر لي سنونه
والظروف تحوفني من يسار ومن يميني = لين جسمي من تزيادها ثقلت متونه
يازماني ليه تقسا علي ولاتليني = وفوق رديان العرب جانبك كله ليونه
لين شاخوا تالي ايامك قصار اليديني = وكل واحد من غروره منافيصٍ عيونه
والله اني مع هل الطيب ماتقصر يميني = اصل اللي قاصرين الجدا ماياصلونه
لكن الحظ الردي بالنحاسه يحتريني = لابغيته قام يسحب على دربي ردونه
لين رزقي كل مابان الي قدام عيني = حالوا الحساد دونه وحال الياس دونه
يالله انك لاتخيب رجايه يامعيني = انته اللي من رجاء فيك ماخابت ظنونه
والا خلقك جلهم شامتين وحاسديني = عيدهم لاشافوا الكفو تغشاه المهونه
