@@براكين الهواجس@@

بسم الله الرحمن الرحيم
@@ براكين الهواجس@@
براكين الهواجس في ضميري جمرها وقاد=
ونسانيس الهبايب كل ما هبت تلاصيها

ونا لي وقت مزمن في بحور الهم والا نكاد=
ولكن ارفع بشكواي على رباً يفاصيها

إلى منا شكينا للبشر عمر البشر ما فاد=
ولا يمكن تزيد الناس دانيها وقاصيها

بدينا في العوالي في جبال العز والأمجاد =
ونفس الحر ما تخلف وصيت من يوصيها قسم

بالله ما يركع عزيزالنفس لجل الزاد=
ولا تخضع ارجال ن والشهامة في نواصيها

حقيقة واقع الأبطال والثوار عاد وعاد=
تنرفزهم شعور العز لا شافوا معاصيها

ولا يصبر على ظلم الليالي كل ما يزداد=
أصيل بالعروبة لو يقطع من خواصيها

انا لي نظرتي والناس كلن له نظر وأبعاد=
ولا يمكن احددها على موضوع يحصيها

جواهر فالبحر تبعد مسافات من الأرصاد =
بعد ما شفت الوحوش الكاسرة داخل قفاصيها

وبعد ما شفت أنا البن المصفى ما عليه اقناد=
وملح البر ذا الأيام ما يملح قراصيها

كتبت الخط واضح في البياضة يشهد الامداد =
ومن يخشى كلام الحق قمص في قماصيها

الشاعر/ سعود بن بدر بن مقيطيف الشيباني العتيبي (راعي الكايدة)

صح لسان الشاعر / سعود الشيباني ..


ولاهنت ع النقل الرائع ..

تحيتي
..

صح لسسسسسسسسانه