ان كان ماهو صافين حزت الضيق وقت الرخا كلن يمينه طويله

متعب ابو بندر رفيق المطاليق
راع الجميل الي مكمل جميله
دايم اغنيبه اجداد الطواريق
لنه يساوي في عيوني قبيله
يستاهل الامداح الي به اتليق
مدام وافي مايبور ابعميله
تبقى صدقتنا بروس الشواهيق
بروس الجبال المرقبات الطويله
والي جهل حق الخوي والمواثيق
اقول اله بالعون ياعزتيله
ان كان ماهو صافين حزت الضيق
وقت الرخا كلن يمينه طويله
مالي ومال الي ملفق بتلفيق
ذخر الرجال الهفيات الخبيله
زلايبن ماتنتصدق بتصديق
عنهم ابو بندر اعلومه جزيله
ابا امدحه من فيض نبع المعاليق
لين ايتدثر مافي نو المخيله
بقافن منسقله على الكيف تنسيق
اسوقه اليا ضاع خطو الدليله
على حرارن ماتعرف المسابيق
اوحوش ماعاشت ابعيشت ذليله
مادربت على يدين المطافيق
ولاعودوها بالعطا كل ليله
تشبع على يدها ماقد نشفت الريق
يوم الثعل ماعاد يلقى حصيله
من فعلها تعيش حتى الزواريق
ويدين بعض الناس الي بخيله
هاذا هم الكرزان من غير تلفيق
كالسيل الي منتحي مع مسيله
فيهم مدايحنا تورخ بتدقيق
غصبن على الي ماينومس زميله

فرحان دربيل