12-Feb-2006, 10:23 AM
صبا نجد اشعلت نار القصيد وضج بالمرباع= هزيم الشعر وفياض الورق ضاقـت بودانـه
وهبّت من شماله ريح خير وجالهـا ذعـذاع= تسوق الغيم بأمر الله من الـرذراذ غرقانـه
تلمّه تجمعه حتى لعج برقـه وحـن ومـاع= عطى ربٍ له المنه كريـم وجـل سبحانـه
بكت عين السحابه وإنتثر دمعٍ سقى له قـاع= تغيّر وجه الأرض وسيّل الـوادي وشعبانـه
وقال اللي يخيله تـو ماغيّـم وهـل بسـاع= يا رزق الله زهى لون البرد بأطراف غدرانه
وحالوا له بدو من عام الأول طرشهم مـاراع= عقب ماجاء الخبر كلٍ شعى ذوده وحيرانـه
وانا مثل البشر نفسي لها لاجاء المطر مرتاع= تحس إنـه تِذكّرهـا زمـانٍ طـال نسيانـه
تطيب من الجروح المدميات وتنوي المطلاع= تبي روضٍ تساوى نبت زملوقـه وبركانـه
ويفرح خافقٍ من جور وقته والشقـا ملتـاع= من الفرحه قعد يكفخ يطير إطيـار شيهانـه
تولّم للهجوس اللي تجيه افراد قبـل أجمـاع= هواجيسٍ حداها الشوق من عامين حيرانـه
طرت له بنت شيخٍ لاطرت منها شكى جزّاع= غلاها مرمسٍ به والجفـا والبعـد عنوانـه
عنود الريم تلعا جيد عنقا والعيـون وسـاع= تراخى رموشها لاسلهمت كسـلا وخجلانـه
تناشا من جسدها ريح مسكٍ خالطـه نعنـاع= غذا شعرٍ بدى لون الذهب من جملة ألوانـه
سقتنى من غلاها كأس فيه من الغرام أنواع= شربته مهتوي والكبـد ولهانـه وضميانـه
رغم كل الغلا مانيـب لامسـرف ولا طمّـاع= وهي بنت الحموله ماشكت فرقـاي لفلانـه
حفظها الله جزاها خير سري عندها ماضـاع= وأنا كني نسيتـه ليـن هـل الغيـم ودانـه
فهد بن فهم العصيمي العتيبي
وهبّت من شماله ريح خير وجالهـا ذعـذاع= تسوق الغيم بأمر الله من الـرذراذ غرقانـه
تلمّه تجمعه حتى لعج برقـه وحـن ومـاع= عطى ربٍ له المنه كريـم وجـل سبحانـه
بكت عين السحابه وإنتثر دمعٍ سقى له قـاع= تغيّر وجه الأرض وسيّل الـوادي وشعبانـه
وقال اللي يخيله تـو ماغيّـم وهـل بسـاع= يا رزق الله زهى لون البرد بأطراف غدرانه
وحالوا له بدو من عام الأول طرشهم مـاراع= عقب ماجاء الخبر كلٍ شعى ذوده وحيرانـه
وانا مثل البشر نفسي لها لاجاء المطر مرتاع= تحس إنـه تِذكّرهـا زمـانٍ طـال نسيانـه
تطيب من الجروح المدميات وتنوي المطلاع= تبي روضٍ تساوى نبت زملوقـه وبركانـه
ويفرح خافقٍ من جور وقته والشقـا ملتـاع= من الفرحه قعد يكفخ يطير إطيـار شيهانـه
تولّم للهجوس اللي تجيه افراد قبـل أجمـاع= هواجيسٍ حداها الشوق من عامين حيرانـه
طرت له بنت شيخٍ لاطرت منها شكى جزّاع= غلاها مرمسٍ به والجفـا والبعـد عنوانـه
عنود الريم تلعا جيد عنقا والعيـون وسـاع= تراخى رموشها لاسلهمت كسـلا وخجلانـه
تناشا من جسدها ريح مسكٍ خالطـه نعنـاع= غذا شعرٍ بدى لون الذهب من جملة ألوانـه
سقتنى من غلاها كأس فيه من الغرام أنواع= شربته مهتوي والكبـد ولهانـه وضميانـه
رغم كل الغلا مانيـب لامسـرف ولا طمّـاع= وهي بنت الحموله ماشكت فرقـاي لفلانـه
حفظها الله جزاها خير سري عندها ماضـاع= وأنا كني نسيتـه ليـن هـل الغيـم ودانـه
فهد بن فهم العصيمي العتيبي
