مرزوق العتيبي ,, لاهنت
عبدالله حبيٌب الزراقي21-Jun-2008, 10:08 PM
نبا الفايده منك لاهنت
المشرف العام ابو حمدان مرزوق = يامرحبا فيك ياراع القياده
بيني وبينك علومٍ كلها ذوق = مثلا الحلا والحلا سكر زياده
مرزوق حمدان العتيبي21-Jun-2008, 10:12 PM
...
.
ههههه
الله الله صح لسانك ..
ابشر بالرد يابو حبيّب ....
بس الله يستر من بندر ومعجب .. لأن نظام
القسم عدم طلب الشاعر الذي لديه محاوره قائمه مع شاعر آخر ..
.. :)
تعرف النظام فوق الجميع ...
عبدالله حبيٌب الزراقي21-Jun-2008, 10:15 PM
صح بدنك يابو حمدان
المعذره مادريت انك تلعب والله لكن مانبغى نخٌل بالنظام ونخليها بكره ان شاءلله ماني مستعجل على التشريح الله يستر منك هههههه
مرزوق حمدان العتيبي21-Jun-2008, 10:17 PM
دام البقا والنشاما قدرهم فوق = هذي شهاده يارعين الشهاده
سلم السوالف على الميدان مطلوق = في مثلكم تحصل إلنا الاستفاده
ابن سهاج21-Jun-2008, 10:30 PM
عبد الله الزراقي وابو محمد
ياسلام واصلوا متابعين
برايفت لبو محمد : أبو حبيّب جاء في وقته
اقل شي يعطيني وقت أسترد أنفاسي :)
بندر المرشدي21-Jun-2008, 10:31 PM
عبدالله حبيب الزراقي
صح لسااااااااانك
ابو محمد صح لساااااااانك
تحفظ في الملف ان تكررت مافيه عذر ...ههههه
واصلوا ......متابعين ... على القوة
عبدالله حبيٌب الزراقي21-Jun-2008, 10:44 PM
الراي عندك يابو حمدان اذا تبغانا نواصل ولا نوقف الي تقوله نمشي عليه والعلم عندك
ماشفت مثلك مع الايام مخلوق = فيك الثقل والرزانه والركاده
شفت المزاين وشفت الذود والنوق = باقي وسام التفوق والرياده
عبدالله حبيٌب الزراقي21-Jun-2008, 10:49 PM
ابن سهاج
صح بدنك شرفت ونورت ويعلم الله مادريت انك تلعب معاه ولا كان ماورطت نفسي انا ادٌور الخراج بس ههههه
بندر المرشدي
ههه ابك انت كفشتنا . الصراحه مادريت والله انه يلعب ولا كان احترمت النظام مثل احترامي لكم والمعذره ولله .. اعتبرها مخالفه بعدين نسددها ههههه
صح بدنك شرفت ونورت لاهنت يالمرشدي
مرزوق حمدان العتيبي21-Jun-2008, 11:06 PM
..
.
شفت ياعبد الله لو ماامتصينا غضب المشرفين كان رحنا فيها...
بس زين عدت على خير هههههه
تحياتي لك ... وان شاء الله نكمل بكره
الطيب مفتوح يوم الشر مغلوق = والله يحقق لصاحبنا مراده
الشعر ماهوب تلحينه وطاروق = اخذ السياده مع اصحاب السياده
مرزوق حمدان العتيبي21-Jun-2008, 11:08 PM
...
..
الاساتذه ...
ابن سهاج .. وابو سلطان ...
الله يحييكم شرفتونا ... وجملتونا بحضوركم ...
...
عبدالله حبيٌب الزراقي21-Jun-2008, 11:10 PM
هههههه اخذنا قسايم ماودٌونا للتوقيف عدٌت على خير
ان شاءلله وانت بخير وعافيه ومن يسمع نكملها بكره اذا ربي احيانا
قادح شرار22-Jun-2008, 12:18 AM
صح لسانك يا أبو حبيّب .
وصح لسانك يا أبومحمد .
تقبلوا مروري .
معجب العتيبي22-Jun-2008, 06:19 AM
عبدالله حبيٌب الزراقي
المشرف العام ابو حمدان مرزوق = يامرحبا فيك ياراع القياده
بيني وبينك علومٍ كلها ذوق = مثلا الحلا والحلا سكر زياده
=مرزوق حمدان العتيبي
دام البقا والنشاما قدرهم فوق = هذي شهاده يارعين الشهاده
سلم السوالف على الميدان مطلوق = في مثلكم تحصل إلنا الاستفاده
عبدالله حبيٌب الزراقي
ماشفت مثلك مع الايام مخلوق = فيك الثقل والرزانه والركاده
شفت المزاين وشفت الذود والنوق = باقي وسام التفوق والرياده
=مرزوق حمدان العتيبي
الطيب مفتوح يوم الشر مغلوق = والله يحقق لصاحبنا مراده
الشعر ماهوب تلحينه وطاروق = اخذ السياده مع اصحاب السياده
عبدالله حبيٌب الزراقي22-Jun-2008, 03:58 PM
الحبل مفتول والمطرود ملحوق = والنار من بعد شعلتها رماده
المشلح الي يغطي ثوب مفتوق = لا بدٌ ماينكشف لو طال ماده
عبدالله حبيٌب الزراقي22-Jun-2008, 03:59 PM
قادح شرار
صح بدنك شرفت ونورت لاهنت
معجب العتيبي
تسلم يمينك يابو سلطان لا خلا ولا عدم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
