الغياب

السلام عليكم ورحمة الله وبركاته
قصيده متواضعه أتمنى أن تنال أعجابكم




ياحبيبي عطني أسباب الغياب = دام باقي للجفا عندي صبر
شاعرك واقف على باب العتاب = ما قدر في دفتره يكتب شطر
المعاني تحتظر والقاف شاب = وأختلط عجز القصايد في الصدر
غيبتك ساقت على القلب العذاب = وأشعلت ليل التوجد والسهر
ماأريد أقول فيك الظن خاب = لن هذا هو موتي والقهر
أنشد النسناس عنك والسحاب = وأنشد الرعاد لا هل المطر
ماخبر للحب عندي غير باب = أنتظرتك جالسن عنده شهر
ألمحك وأعيد وأشوفك سراب = ياربيع القلب مدري يادهر
ليه تسعى للتجافي والخراب= وليه تركز رمح بعدك في النحر
وليه تتركني بلا علم وجواب= وليه تدفع خاطري يم الكدر
صرت أهوجس وأعتلي روس الهضاب = وصرت أفضفض للشواطي والبحر
وصرت أشوف الصبح في لون الغراب = وصرت أشوف الكذب في عيون البشر
أبتدى شمع التلاقي في الذواب = وأشتكى سور الحدايق للزهر
ياحبيبي فيك يامحلى الخضاب = ياشبيه الريم لامنه حضر
لاتحول بسمتك للفين ناب = ولاتغير نور وجهك ياقمر
تدري أن القلب مدميه الصواب = وتدري أن الشيب في رأسي ظهر
أروني نبع الوصل تلقى ثواب = كان تطمع في المثوبه والأجر
وأفتح بوصلك تباشير الكتاب = وأرحم اللي يسهرك حتى الفجر
ياتجيه وتسعده عقب الغياب = أو تخلي صورتك فوق القبر

قصيده رائعه

صح السانك


تقبل مروري

صح لسانك ياماجد ... ورد غايبك سريعاً ....

ولاتحرمنا من جديدك ...

صح السانك ... ياماجد المحياني..

صح لساااانك لاهنت تقبل تحياتي

أخوي أبو مرحبا أشكرك على مرورك الطيب والله لايهينك

محمد النفيعي يعطيك العافيه وأنا أخوك

أبو غازي شرفتني في مرورك

وبيض الله وجهك

الأصمعي صح بدنك ومشكور وأنا اخوك

فواز الروقي مرورك شرف لي وتبقى هرم من أهرام الشعر في المنتدى . الله لايهينك

الاخ ماجد المحياني




صح السانك وتقبل اعجابي


وننتضر الجديد