مصافحه اولى والطارف سديد
مقهوي09-May-2009, 11:28 PM
سلام ردية ٍ غنيتها في تالي الليل = وانا ادري ان الليال السود مسرا للذيابه
والطارف الي على ماقيل راع البن والهيل = الضيف مايلحقه نقصان لامن طق بابه
رعد الروقي09-May-2009, 11:32 PM
يا سلااااام
بداية معلم
صح لسانك
واعتبرني في صفك
مقهوي09-May-2009, 11:39 PM
العمده
صح بدنك ويشرفني وجودك في الصف اخوي الغالي
محمد النخيش10-May-2009, 12:37 AM
يامرحبابك عدد ماهل وبال المخاييل=وانته مقهوى عسى نلقى معك طيب وذرابه
ماقدمك الا الرجال اهل المواقيف الحلاحيل=انكانها سلم سلم وكانها احرابه حرابه
السواجي الروقي10-May-2009, 12:41 AM
االله الله ياابو غآآآزي رد وآآآفي وجزل
وصح لسآآآك ياا مقهووي على المبداا الجزل
وااصلوووآآآ ومتآآبع بكل شغف
علي فلاح العضياني10-May-2009, 12:44 AM
الله الله
صحّت الالسنه و القلوب
محمد النخيش10-May-2009, 12:49 AM
السواجي الروقي
علي فلاح
صح أبدانكم
ولاهنتو على المرور
سلطان بن دحيم10-May-2009, 12:51 AM
صحة السنتكم
مبدعين
تحياتي
محمد النخيش10-May-2009, 12:52 AM
مقهوي10-May-2009, 12:54 AM
دام البقى والنظر مرفوع يمٌ الجدي وسهيل = واهدافنا كلها ياصاحبي فوق السحابه
ترا الدلال الصفر ماعيٌبت بيض الفناجيل = العيب للي نقص زاده عن الضيف وشرابه
مقهوي10-May-2009, 12:56 AM
السواجي الروقي - على فلاج العضياني - سلطان بن ديحم
صحت ابدانكم الله لايهينكم
محمد النخيش10-May-2009, 01:06 AM
مانقبل الميل منكم وانت حذرى تقبل الميل=طبعي عتيبي ليا منه وقف يرضي عتابه
ترى ضيوف الوفا لاجاتنا تقلط على حيل=لو إننا ماعرفنا الضيف من حضرة جنابه
مقهوي10-May-2009, 01:26 AM
الصاع بالصاع يارجل الوفا والكيل بالكيل = والنعم في ربعك العتبان والنعم فشبابه
ترا الاسامي مغير وصوف ماسوٌت رياجيل = ياكثر من طوٌل اللحيٌه وقصٌر في ثيابه
محمد النخيش10-May-2009, 01:50 AM
ترى القمر فارقٍ نوره بنور النجم ابو ذيل=بين القمر والنجوم الصدق مافيها تشابه
البدو قوم الغنم والذود في هاك المداهيل=الوضع مزري وجمعتهم غرابه في غرابه
أبو نجر النفيعي10-May-2009, 01:59 AM
الله الله
صحة السنتكم ..
متا11111111بعين
طارق النفيعي10-May-2009, 02:17 AM
يا سلام
متابعين ومستمتعين ..
مقهوي10-May-2009, 02:22 AM
ياصاحبي لا تعقدها ترا الدعوه تساهيل = كلن ملا فالفعول الطيبه صفحة كتابة
الوقت خل الثياب البيض مع سود البناطيل= ماهي غريبه بعد مابان فالوقت انقلابه
محمد النخيش
نظرا لضيق الوقت صح لسانك وتشرفت بمجرااتك وعذرا على التقصير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
