ابيات غزليه للشاعر عبدالله بن سبيل

الشاعر عبدالله السبيل شاعر غني عن التعريف برع في الغزل
وهذه أبيات غزليه اعجبتني للشاعر
واذا فيه خطا في الأبيات سامحوني (طولت علاكم)خذوها:


اللي دعا حالي كما العود باريه "=" حده حداه استاد بزعيتمانه
ماهو مرض وأخبر هلي عن مشاكيه"=" أسباب من صوب ضميري وكانه
الجادل اللى مايق في تمدريه"=" ذعذع هواه وضاحك(ن)له زمانه
لوكل من صوب صويب يداويه "="ويجارحه قلت أوصلوني مكانه
اليا مشى كنه غرير تهديه"=" والا معلمه الحمام إدرجانه
نفسي مهاويته وعيني تراعيه"=" وعليه قلبي ذاهب ذيهبانه
واليا بغيت أترك مجاله وطاريه "="عيا قراني ينطلق من قرانه
فلا ومره الله يرده ويثنيه "="أرخى لثامه لين تبدي ثمانه
وريعت أنا ترييع طير لداعيه"=" لا شاف نسره وأجهره بإندبانه
يلعب بقلبي لعبه القوس حانيه"=" ظرف ومطاوعته يده بليعبانه
والمهتوي طرد المها ما يعنيه"=" كنه على زل العجم بعديانه
وسيل النحا ما ينعدل عن مجاريه"=" ولو عرض السندا يزيد إعليانه
والله لولا العلم وادرى قوافيه "="من مبغض يركب علينا حصانه
لاخاف ربه ولا هو براجيه "="ربيع قلبه غيبته وإهذيانه
إني لجيه بساعه غاب واليه"=" وابهج ضميري لين يقطع بطانه


رحم الله الشاعر عبدالله السبيل رحمة واسعه وغفر الله له

رحم الله الشاعر
يعطيك العافيه اخوي

الله يرحم الشاعر
ويعطيك العافيه يانياف
الف تحيه لك
ابوسليمان الروقي

الله يرحمه ...
ومشكور اخوي على إتحافنا بالقصيدة ..
لك التحية والتقدير ...



تحيااااااااااتي