بين الصلاتين هات العلم يا بو طلال=الهرجه الطيبه نتعب على شانها ,,,
علي فلاح العضياني07-Jun-2009, 11:53 AM
سلام و الشعر نعرف قيمته من خلال=الفتل و النقض و القيفان و ألحانها
بين الصلاتين هات العلم يا بو طلال=الهرجه الطيبه نتعب على شانها
حاكم الغنامي07-Jun-2009, 11:58 AM
الله الله
متابع وصحت الالسن والقلوووب جميعاا
عيد العازمي07-Jun-2009, 12:12 PM
يامرحبا ياهلا والجزل جاله مجال = حنا نعز البيوت ونعرف اوزانها!!
نقشت شعر النصافي في علو الجبال = والناس مدري وش اللي معمي اعيانها!!
ابو لمار07-Jun-2009, 12:20 PM
هههههههههه
الله الله الله
ياسلام ياسلام
ابو فلاح
ابو طلال
صحت السنتكم وقلوبكم
متاااابع
عيد العازمي07-Jun-2009, 12:22 PM
حاكم
ابولمار
صحت ابدانكم
شرفتمونا
علي فلاح العضياني07-Jun-2009, 12:23 PM
البنّ و الهيل صبّه من حلوق الدلال=لين الرجال الحشام يصافح أيمانها
عن جمّة البير ما تقصر طوال الحبال=و الناس تجذب طويل الحبل ذرعانها
علي فلاح العضياني07-Jun-2009, 12:24 PM
حاكم
ابولمار
صحت ابدانكم
شرفتمونا
عيد العازمي07-Jun-2009, 12:33 PM
هاذ السنه يابن ثعلي صار فيه انحلال=الناس سيّاتها تغلب على احسانها!!
قيد القعود الرشا والدلو في كل جال = والناس عافت قراح الما من جنانها!!
عبدالله الاصعر07-Jun-2009, 12:35 PM
علي العضياني
العازمي
صحت اللسنتكم
لكم تحياتي وتقديري
علي فلاح العضياني07-Jun-2009, 12:48 PM
ما صار غير الوفا و الطيب في كل حال=يا ليت بعض الجماعه تحفظ لسانها
مليت بطنك من الجمّ القراح الزلال=و اليوم نارك يغطّ الجوّ دخّانها
علي فلاح العضياني07-Jun-2009, 12:49 PM
عبدالله الاصعر
صح بدنك طال عمرك
فايز بن سرحان الثبيتي07-Jun-2009, 12:50 PM
ما صار غير الوفا و الطيب في كل حال
يا ليت بعض الجماعه تحفـظ لسانهـا
الله الله صح لسانك يابن فلاح
وصح لسان ابو طلال
متابعين
عيد العازمي07-Jun-2009, 12:57 PM
ياجعل شمس الظليمه ياعلي للزوال = عليك غر المزون يهل ربانها!!
سقت الجمل لين قاد الزمل قدم الجمال = يومٍ بعض الجمال تسحّب ارسانها!!
عيد العازمي07-Jun-2009, 12:58 PM
الاصعر
ابن سرحان
صحت ابدانكم
يا اساتذه
علي فلاح العضياني07-Jun-2009, 01:20 PM
يا عيد لو فالمصارف تمتلك راس مال=ما جاب سعر الجواهر غير ميزانها
ما انته بتال الليالي مثل ماض الليال=مواقفي معك عان اليوم برهانها
علي فلاح العضياني07-Jun-2009, 01:21 PM
ابو ريان
بيض الله وجهك على المرور
وصح بدنك
عيد العازمي07-Jun-2009, 01:32 PM
ميزان وزن الجواهر بالخفيفات مال = سلّم على اللي يديّنها ويدّانها!!
بين العلوم الدقاقه فيه علمٍ جلال= اليوم شرّهت فالبندق ونيشانها!!
علي فلاح العضياني07-Jun-2009, 01:51 PM
تعال يا عيد أنا عندي لمثلك سؤال :=عدّد شروط الصلاه و عدّد أركانها ؟
بغداد كانت تعيش بواقع الاحتلال=و اليوم ذاقت لذيذ الأمن سكانها
عيد العازمي07-Jun-2009, 01:59 PM
اقف على باب مسجد واسأل من الحلال = ترى الحيا فالنفوس اليا ,نزع شانها!!
بغداد لازال فيه الفسق والاقتتال = حط الجزيره وشوف افعال عمانها!!
علي فلاح العضياني07-Jun-2009, 02:11 PM
ابو طلال صح لسانك
و بيض الله وجهك
على هالطاروق
و الى اللقاء
بندر المرشدي07-Jun-2009, 06:13 PM
صحت السنتكم حتى ترضون
طاروق مميز بيض الله وجيهكم
سعود العصيمي07-Jun-2009, 06:51 PM
علي العضياني =
سلام و الشعر نعرف قيمته من خلال=الفتل و النقض و القيفان و ألحانها
بين الصلاتين هات العلم يا بو طلال=الهرجه الطيبه نتعب علـى شانهـا
عيد العازمي =
يامرحبا ياهـلا والجـزل جالـه مجـال=حنا نعز البيـوت ونعـرف اوزانهـا!!
نقشت شعر النصافي في علـو الجبـال=والناس مدري وش اللي معمي اعيانها!!
علي العضياني =
البنّ و الهيل صبّه من حلوق الدلال=لين الرجال الحشام يصافح أيمانهـا
عن جمّة البير ما تقصر طوال الحبال=و الناس تجذب طويل الحبل ذرعانها
عيد العازمي =
هاذ السنه يابن ثعلي صار فيه انحلال=الناس سيّاتها تغلب على احسانهـا!!
قيد القعود الرشا والدلو في كل جـال=والناس عافت قراح الما من جنانها!!
علي العضياني =
ما صار غير الوفا و الطيب في كل حال=يا ليت بعض الجماعه تحفـظ لسانهـا
مليت بطنك من الجمّ القـراح الـزلال=و اليوم نـارك يغـطّ الجـوّ دخّانهـا
عيد العازمي =
ياجعل شمس الظليمه ياعلي للـزوال=عليك غر المـزون يهـل ربانهـا!!
سقت الجمل لين قاد الزمل قدم الجمال=يومٍ بعض الجمال تسحّب ارسانهـا!!
علي العضياني =
يا عيد لو فالمصارف تمتلك راس مال=ما جاب سعر الجواهر غير ميزانهـا
ما انته بتال الليالي مثل ماض الليـال=مواقفي معك عـان اليـوم برهانهـا
عيد العازمي =
ميزان وزن الجواهر بالخفيفات مال=سلّم على اللي يديّنهـا ويدّانهـا!!
بين العلوم الدقاقه فيه علـمٍ جـلال=اليوم شرّهت فالبندق ونيشانهـا!!
علي العضياني =
تعال يا عيد أنا عندي لمثلك سؤال :=عدّد شروط الصلاه و عدّد أركانها ؟
بغداد كانت تعيش بواقـع الاحتـلال=و اليوم ذاقت لذيذ الأمـن سكانهـا
عيد العازمي =
اقف على باب مسجد واسأل من الحلال=ترى الحيا فالنفوس اليا ,نزع شانها!!
بغداد لازال فيـه الفسـق والاقتتـال=حط الجزيره وشوف افعال عمانهـا!!
صحت السنتكم وبيض الله وجيهكم
شبل الغدرى10-Jun-2009, 09:53 PM
علي العضياني
العازمي
صحت الالسن والقلوب
طاروق جميل.
سلطان بن دحيم10-Jun-2009, 11:47 PM
الله الله
صحة السنتكم
ابداع من مصادر الابداع
ابو فلاح و ابو طلال
بيض الله وجيهكم
تحياتي
شاعر زمانه11-Jun-2009, 06:52 PM
محاورة في غاية الجمال
صحت ألسنة شعارها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
