انا عند الرجال اهل الوفا تحكمني الاخلاق\ سلطان الجذع
عقاب العنزي16-Jan-2010, 09:37 PM
انا عند الرجال اهل الوفا تحكمني الاخلاق = ومهما صار خصمي بالمواقف مابخس حقوقه
سمعنا علم لو تدري عتيبه ضاقت الآفاق = قبل عامين شاعر والسنه ( ياشاعر الروقه )
عيد بن مرضي16-Jan-2010, 09:39 PM
الله الله
وين الغيبه يا عقاب :)
وصح لساااااانك مبدا رائع و صح لسان سلطان
ومتاااااااااااااااااابعين لكم
عقاب العنزي16-Jan-2010, 09:41 PM
هلا ومرحبا يابن مرضي
ظروف خارجه عن ارادتي وشوف الطيبين امثالكم مكسب
صح بدنك
سعود العصيمي16-Jan-2010, 09:55 PM
انا عند الرجال اهل الوفا تحكمني الاخـلاق
ومهما صار خصمي بالمواقف مابخس حقوقه
سمعنا علم لو تدري عتيبه ضاقـت الآفـاق
قبل عامين شاعر والسنه ( ياشاعر الروقه )
الله الله
عقاب العنزي
صح لسااااانك على هذه البدعه
وصح لسااان الجذع مقدمآ
عقاب العنزي16-Jan-2010, 09:56 PM
صح بدنك ياسعود
وبلا شك متابعتك تشريف لنا وللطاروق
..
علي الشهراني16-Jan-2010, 09:59 PM
صح لسانك يااا عقااااب
مبنى و معنى الله لا يضرك
متاااابع و صح لسان سلطان مقدما
عقاب العنزي16-Jan-2010, 10:00 PM
الراي السديد
صح بدنك وشرفتني بمرورك الطيّب
لاهنت
سلطان الجـذع16-Jan-2010, 10:03 PM
...
قبل ما اخلاقك تحكمك هنا محكوم بالميثاق = عسى غصنٍ تساقيه المزن مااتابس عروقه !!
لو ان اسمي بخمس حروف مكفي له ثلاث اوراق = لكن اليا متى !! وعقاب معي يزل منطوقه !!
سلطان الجـذع16-Jan-2010, 10:06 PM
,,
ارحب ياعيد بن مرضي ارحب ..
سلطان الجـذع16-Jan-2010, 10:07 PM
...
صح لسانك ياابو طايل وحياك الله ...
سلطان الجـذع16-Jan-2010, 10:08 PM
...
ارحب ارحب يالراي السديد ...
عقاب العنزي16-Jan-2010, 10:11 PM
ليا غيّب شعاع الشمس فعرف للغياب اشراق = وانا سعر الذهب ماحطه بسوق ٍ ماهو سوقه
على نجم الجدي خمسة سنين ٍ مانثنى لك ساق = وقلبك ماوصل شفّه وراسك كثرت فلوقه !!
سـعـد الـعـصـيـمـي16-Jan-2010, 10:20 PM
يامرحبا ياعقاب يامرحبا
حي هالليل اللي جابك
صح لسااانك ولساان سلطان
سلطان بن دحيم16-Jan-2010, 10:21 PM
الله الله
صحة السنتكم
واصلوا
متابع
عقاب العنزي16-Jan-2010, 10:23 PM
سعد العصيمي
الله يبقيك يالذيب وصح بدنك ولاهنت
سلطان بن دحيم
صح بدنك ولاهنت
تقديري
ناصر الجلاه16-Jan-2010, 10:26 PM
..
عقاب العنزي .. سلطان الجذع
..
صحت ألسنتكم عقاب والاسطوره
متابعين للابدااع
دمتم
..
سلطان الجـذع16-Jan-2010, 10:29 PM
...
اثر عندك ذهب !! يالله يافتاح يارزاق = اجل بالله عن عيون الحسد رده بصندوقه !!
ترى ليلى بدل قيس الملوح ماتبى عشاق = ولكن الزمان اللي فرق عشاق ومعشوقه !!
سلطان الجـذع16-Jan-2010, 10:34 PM
...
ارحب يابو مطر ارحب شرفتنا
سلطان الجـذع16-Jan-2010, 10:35 PM
...
ارحب يابن دحيم ارحب ...
سلطان الجـذع16-Jan-2010, 10:36 PM
...
ناصر الجلاه حياك الله ولاهنت على تواجدك ...
عقاب العنزي16-Jan-2010, 10:41 PM
مصيبه لاتفلسف راعي اللحيه على الحلاّق = بغمضة عين والا ان لحيته يالربع محلوقه !!
تقوله مير لاشلفا ولامحزم عليه اوثاق = وميّك داخل القربه واثر قربتك مشقوقه !!
عقاب العنزي16-Jan-2010, 10:42 PM
ناصر الجلاه
صح بدنك وشرفتنا بحضورك
تقديري
صاهود17-Jan-2010, 11:13 AM
زبن الجعفري العنزي17-Jan-2010, 12:20 PM
الله الله
عقاب العنزي وسلطان الجذع
صحت السنتكم
والصف وايلي لو الحضور متاخر
نايف بن ملحق الثعلي17-Jan-2010, 01:11 PM
سلطان الجـذع17-Jan-2010, 03:39 PM
...
يبا كلٍ يروّح في مجاله والصدر ماضاق = على شانك عميلٍ مايجي ذوقي على ذوقه !!
وهذي فيك مثل الاوله (دور لها معلاق) = اثر شمعة عقاب اللي تجيب النور محروقه !!
سلطان الجـذع17-Jan-2010, 03:40 PM
...
يامرحبا حياكم الله كلكم
صاهود17-Jan-2010, 05:04 PM
وميّك داخل القربه واثر قربتك مشقوقـه
هههههههههههه
طلع هرج عنزه
تنقل ابّهذا الا يمللي
وش صار علي اللي وصيتك عليه يابوفيصل
فايز بن سرحان الثبيتي17-Jan-2010, 05:17 PM
ياسلاااام "
عقاب وسلطان "
صحت قلوبكم ""
علي فلاح العضياني17-Jan-2010, 07:30 PM
الله الله
صح لسانك يا عقاب العنزي
صح لسانك يا سلطان الجذع
محاوره من العيار الثقيل
لاهنتوا على الابداع
عزوز النفيعي17-Jan-2010, 07:54 PM
عقاب العنزي00سلطان الجذع00صحت الالسن00متابع
عقاب العنزي17-Jan-2010, 09:55 PM
صاهود
هلا يالله حيوه وصح بدنك
والله للحين ماواجهت الربع متى ماواجهتهم ابشر راح ابلغهم
راع الجدعا
هلا بالذيب صح بدنك وحضورك يشرفني دايم
نايف الثعلي
هلا ومرحبا بالذيب صح بدنك شرفتنا
ابن سرحان الثبيتي
هلا وغلا وصح بدنك والله يعافيك على الحضور
علي فلاح
شرفتنا ياعلي وحضورك اضافه للطاروق
الصقيل المجرب
صح بدنك ولاهنت يالذيب
سـلطان الجذع
صح لسانك يالذيب ولاهنت وتشرفت باللعب معك وتشرفت بقبول الدعوه ولافيك حيله
تقديري
رفيع المنزل17-Jan-2010, 11:46 PM
وش اخذ ياعقاب من ابياتك وش اخلي ابيات جزلة ورائعة جدا
صح لسانك ملاييييييييييييييييييين
ولايهون سلطان مبدع مايحتاج
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
