صباح الخير..طاروق خفيف للي دمه خفيف

يالله صباح الخيرة..ياطيبين السيرة=نبي نشب النيرة..في روق..والا برقاء
ياصحابنا العرافي..وقتاً مضى ياكافي=ناخذ رسوم اضافي..من روق مدري برقاء

يا هلا يا نداوي . . يا نداوي الشاوي=من طبوعك تراوي . . لاشفت روق وبرقا
وقتن مضا يا ويلاه . . لاتبحث خفاياه=سايقينك للحصاه . . عتيبه روق وبرقا

تبقى وهات العاني..يمرجّح الميزاني=وانحن كما الضلعاني..قدام روق وبرقاء
لاوالله او لابالله..خذنا عوضها كله=والحرملية علة..في روق وايضا برقاء

حاصل فالاسما تغيير . . ضيرها الاخ تضيير=لكن اثره نافخ كير . . ماهو من روق وبرقا
فالحرمليه كم شيخ . . راحو فدا صواريخ=لباسة المجاويخ . . عتيبه روق وبرقا

صحة الالسن ..متابع للطارووق الصباحي...وواااصلو

ضيرتو ماضيرنا..غيرتو ماغيرنا=والفوارس قبرنا..من روق وايضا برقاء
ابن (مغيرق) جاله..صوله على الخيّالة=وغيره يموت اشواله..من روق والا برقاء

صحة الالسن ..متابع للطارووق الصباحي...وواااصلو

اخوي الحميدي صح بدنك

ومتابعتك تضفي على الطاروق الكثير من الجمال

آسف للتأخير لظروف العمل




اقرا هرج الصراحه . . ارتدم في طراحه=مالك خانه فالساحه . . حازوها روق وبرقا
غير البلوى بلاوي . . شليويح العطاوي=وبخيت امع الجلاوي . . حزامي روق وبرقا

هرج الصراحة واينه..الا يالله ل/اتهينه=والطّيب يقضي دينه..من روق والا برقاء
ترى المشلوح راسه..قطعنا عنه انفاسه=لو هو قوياً باسه..قدام روق اوبرقاء

صح لسانك ياشبل مرجحين الموازين

ومسك الختام عندك


ولنا لقاء بأذن الله تعالى