طاروق العمالقه

سوار الذهب وحبيب العازمي




عبدالله الميزاني



يا سلامي في مكان ٍ عزه الله من كيانه
في محل الاد روق اللي عوازمها سماها
يا حبيب والله انك شي من هتلر زمانه
والقلم مرفوع قبل الارض تشرب زود ماها



حبيب العازمي



مرحبا ترحيب رجال ٍ يرحب في مكانه
والرجال بحقها واللي يبى الطاله لقاها
ما عليه الفارس اللي يقطع البيدا حصانه
وانت يا عنتر زمانه دونها والا وراها



عبدالله




ما مدحتك لجل باب المصلحه والا الميانه
والرجال فعولها عن قولها تشهد علاها
يمكن انك ما عرفت الغدر معناه الخيانه
عسعس الليل الطويل وبانت الشمس وضحاها



حبيب



الحقيقه قولها عند العرب ذمه وامانه
وانت خالي والمزارع كله حبه من ذراها
كل شي ٍ مرني ما غرني خلك تكانه
عندنا كحل العيون وعندنا برضه عماها



عبدالله



اتسمع خطبه القرني والا اسمع من ديانه
والهواء العذري عن الخلان والا عن خلاها
همي اللي صحته عند العرب مثل صحيانه
كل ما احزن من عباد الله يعنيني عناها


حبيب



انت تسمع خطبة القرني والا عندك حصانه
كل ما صابتك حما سهل المولى دواها
واحد ٍ مايعرف الشيطان ما يعرف خوانه
والشياطين اربعه والاربعه نلعن ثواها



عبدالله



العوازم ما تعرف ان اصبع بن ادم بنانه
بيض الله وجه ابوك اللي من الحما حماها
لا تكن العلم وانته ماعرفت ارض الكنانه
وانت رجال ٍ تحفر البير واخوك يغطاها



حبيب



مثلكم ما تعرفون ام المدابغ من صفانه
يا رجال ٍ فالربيع من الشحم تدهن لحاها
انت قلبك فيه ونه من لحون البرتكانه
كل ما غنت تغني باقي ٍ تمسك عصاها



عبدالله




والله اني بلشت البلشان الاول وامتحانه
يارجال بزودها وكبودها اصغر من كلاها
كان ودك تقلب الاسعاف واصلحه الصيانه
لا يطول الوقت والاجواد هاذا مستواها



حبيب



والله اني خابر ٍ انك ممتلي كلك لعانه
في ضميرك حبة ٍ سودا وانا عندي رحاها
كل سارق نار بن عمار تعلق في لسانه
وانت ما قربت منها مار لابدك تباها



عبدالله


في خضار العود يالروقي يعلمنا ليانه
لا تلوى في قلال الدين قل الله حياها
ليه يوم انه يهدر زريق وهو في طمانه
والعمل خلا النفوس حسابها الاول جزاها

بارك الله فيك يالمثالي

وحاوره قويه وطاروق راائع

وشعار عمالقه

تحياتي

يعطيك العافية وبارك الله فيك

عماقة فعلا

تالق جديد منك يالمتألق

شكرا على نقل المحاورة

بس متى تاريخها