من قصائد الشاعر الكبير / محمد بن الحميدي المزنكي السيحاني

وش عاد خليت ياوقتي ووش باقي * * * هو باقي شي عاد تحمله فوقي

اسنينك القشر دايم يمي اسباقي * * * انحاش عنها ومنها دوم ملحوقي

كل الفضا من سببك بناظري ظاقي * * * سلبت مني رحابة صدري وذوقي

مافيك رحمة ولالي معك ميثاقي * * * ولاانتب من اليَّ مثل شرواي موثوقي

من يوم سكرت عني جاري الساقي * * * وخليت زرعي هشيمٍ يابس عروقي

دايم على ساقتي واتقطع ارزاقي * * * ولانيب من يوم جيت حماك مرزوقي

تقطع الارزاق دونه قطع الاعناقي * * * ياقل مسعاي معك وقلت اوفوقي

حملتني حمل سرفٍ فوق ما اطَّاقي * * * ولا انتب على اليَّ تسوي في مسبوقي

سألت نفسي معك ياويش انا لاقي * * * حملتني كل هم العالم طبوقي

وبدلت لا ماي للخلان بافراقي * * * ياناس هذي سوات الوقت بالروقي

______________________________________________ــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ


وداع السفر ياعين ليه العباير من نظيرك هميل *** تكفين هدي وكفي دمعتك وارقدي

ما داني الدمع ووداع السفر والرحيل *** لاوالله الاَّ حديتيني عليها حدي

ولاهمني دمعةٍ من غير سبه تسيل *** لا والله ابكي من الدمعه بعين الردي

سود اليالي تكدر كل صفوٍ جميل *** بالحزن يم السعاده دوم دوم تعدي

لابد من ساعةٍ ترحل ظعون النزيل *** ولابد ما يذبل الورد الجميل الندي

قالت عليك البكاوش فيك جسمك هزيل *** عليك رسم التعب واضح وضوح الجدي

وش صار بعد البطالك والغياب الطويل *** لاغاب عنك السعد عني يغيب سعدي

قلت السعد مايزور بخيل والاَّ عليل *** وأنت تعرفي من الثنتين وش مقصدي

الطب ما فادني اصبح من المستحيل *** ولاعاد يدفع قدم رجلي ضعيف اجهدي

دايم نخيل البروق الساريه بالمخيل *** نبي بكور الحيا بس العمار تعدي

لاشك ربك على كل الخلايق وكيل *** دنياك تشبه سرابٍ مع خلاً جرهدي