الشاعر الواثق حياه

انا ليا مني رسمت الهدف
انيشن الاهداف واصيبها

الله يعين اللي بدربي وقف
لابدها ترمي ويسريبها

يا اللي تحسب أن الدعاوي صدف=لا تجهل العالم واساليبها

ازحف على بطنك وغيرك زحف=واحذر ثيابك لا تصلي بها

بدع وافي ورد على مستوى مميز لله در الشاعرين لكما مني كل تقدير واحترام واصلوا الابداع

هلا وغلا أخوي سعد

شرفنا مرورك يا الغالي

ياللي مسكت الخط مابه ملف
الحين ابرسللك مكاتيبها

البارحه يوم الطريق انتصف
حذفت عني وانت تدريبها

دواس حي ومات مانع علف=وين العلوم اللي تماري بها

يوم أن قلبك يا الحريبي رجف=جنب عن النار ومشاهيبها

دواس حيال ن لو انه حلف
بعض الرجال موضح عيبها

اثر الخلف ياخذ طبوع السلف
البارحه راجع مطاليبها

سيارتك يوم الطريق انحرف=نقز مكينتها لتوضيبها

ترا الزمان اللي تقول اختلف=ما اخفى جبالاً عاويٍ ذيبها

صح السانك يا الحربي

وبيض الله وجهك

تشرفت باللعب معاك

أذن الفجر ولنا لقاء إن شاء الله

سيارتي مامشي بها ثم اقف
وسيارتك تمشي على دويبها

كورتك طارت فوق مرمى الهدف
وفرقكم بالقاع ترتيبها

صح بدنك والشرف لي ياطويل العمر
وتصبح على خير

بيض الله وجيهكم على هالمحاورة وصح السنتكم