مثل مزلب ولد دهران العتيبي فالقبيله

ياسلام الله سلامِ فيه عز وفيه هيبه=مثل مزلب ولد دهران العتيبي فالقبيله
المعاني كالمعارك وقعها مثل المصيبه=والهجوس إلها دليله والعقل إلها دليله

ياهلا يامرحبا ترحيب في حلة عتيبــــــــــــــــه
مثل حجرف يوم ينزل للمعارك فوق خيلـــــــــه

المعاني مثل سيفن كل حدينه عطيـــــــــــــبه
لو يعبث به ردي المعرفه يصبح فشــــــــــــيله

البقاياللي ترحب والبنادم مع نصيبه=مقترن مافيه فكه مثل خلٍ مع خليله
كان ما تملك قنطار من ذهب وش تدعيبه=والله اللي قسم الأرزاق في صبحٍ وليله

ياليت تراجع الابيات يا عبدالله جبار



صحت الالسن

لاتعليق

صح بدنك

راجع الشطر الاول البيت الثاني من ردك الثاني

البنادم مع نصيبه كلمة ماهي غريبه
مير ابن جبار ليته لو يشد شوي حيله

الهقاوي واحمد الله ياولد ماهي قريبه
مير عجل او ترجل عن ظهر هاكاالكحيله

خطا إملائي(كان ماتملك قناطر من ذهب وش تدعيبه)

عبدالله جبار ..


...

كان ما تملك قنطار من ذهب وش تدعيبه
والله اللي قسم الأرزاق في صبحٍ وليلـه


..ماأشار له الأستاذ القدير :ماجد العصيمي ...

خطـــأ أملائي .. لأكثر ...

وهو قنطار >>>> قناطر ..


للإحاطة لأكثر ...



صحت الألسن ..... وبيض الله وجيهكم ..


أحترامي

ليس العيب فيمن يخطئ العيب أن يتمادى في الخطأ



كان ما تملك قناطير الذهب وش تدعيبه



ويمشي على هالنحو



على العموم واصلو واحنا متابعين

البنادم مع نصيبه كلمة ماهي غريبه
مير ابن جبار ليته لو يشد شوي حيله

الهقاوي واحمد الله ياولد ماهي قريبه
مير عجل او ترجل عن ظهر هاكاالكحيله




الهقاوي واحمد الله ياولد ماهي قريبه


كفوووووووو يابوبندر ...

شاعر مجيد للإبداع .,... بتمكن ..



أحترامي

لا تلوي يالحريبي ثم تبشر بالحريبه=قدحنا دايم زنود وفعلنا والله مهيله
منهم ملوك اليتيمه فالبعيده والقريبه=غير حنا يالحريبي ونت معروفٍ حصيله

ليس العيب فيمن يخطئ العيب أن يتمادى في الخطأ



كان ما تملك قناطير الذهب وش تدعيبه



ويمشي على هالنحو



على العموم واصلو واحنا متابعين


تسلم ياماجد على التنبيه وهو خطا إملا ئي لا أكثر ولا أقل

وأنا والله حسبتك واحد ثاني

ليس العيب فيمن يخطئ العيب أن يتمادى في الخطأ



كان ما تملك قناطير الذهب وش تدعيبه



ويمشي على هالنحو



على العموم واصلو واحنا متابعين



... أوافقك أخوي : ماجد ..

... كأفضلية للحبك وسبك الشطر .. ...

.... ولكن ... كمضمون .. بنظري المتواضع ..
لايختلف عن أبعاد رسالة ماتم نزفه من قبل
الشاعر : عبدالله جبار .,.


أحتراامي
..

صح بدنك يالمسعودي

ووجهك أبيض

الليل يالحربي

والله ان الدار من فعل المطر راحت عشيبه
بعد ملاحت بروق الخير من تحت المخيــــله

ياحصان لك شهــــــــر تهذب ولا ينفع هذيبه
ماوصل للدار وايضا ماتسمعنا صهيلــــــــــه

الشعر ياصاحبي وهًبه ولاهو بالغصيبه=شوفلك مشروع ثاني لو تبيًع فالبليله
يامسببت القبايل كل ليله فالرحيبه=مالكم موضوع ثاني يامولعة الفتيله

,’



عبد الله جبار العتيبي


سعود بندر الحربي



صحة الألسن جميعاً



متااااااااابع



,’

صح بدنك يامحمد الذيابي

ولا تزين الملعبه إلا بطلتك

البهيه

الشعر للعارفه ولا انت تــنــهــبــهــــــا نهيــــــبه
لااحتما الماقف تدس الراس في حضن الحليله

يحسب انه محتسب مايحتسب والله حــسيــبه
وان هرجنا معه من هرجه يبا ينفـــــض شــليله

صح بدنك يالذيابي
ولاهنت على المرور

الختام عندك يابن جبار
وتصبح على خير

أنتبه ياصاحبي والذيب معروفٍ قنيبه=ياكل الدسمه بنابه مايدور للهزيله
الله أكبر يازمان السندوتشه والكبيبه=كثرو الجهال مثل الحصني اللي فالنثيله

ياسلام ياسلام صح الساااااااااااااااااااااانك يابوجبار والله مافيك حيله

وصح الساااااااااان أخوى سعود طاروق حماسي وشكراً

ونت بخير يابن بندر

ومحراف طيب ولعبك طيب

ياسلام ياسلام صح الساااااااااااااااااااااانك يابوجبار والله مافيك حيله

وصح الساااااااااان أخوى سعود طاروق حماسي وشكراً

الله الله الله
صح بدنك ياذعير العالي
وختامها مسك بجيتك

انا توي جيت الجهاز لكن تصبحو علي خير لنا لقا انشالله والله لايهينكم جميعن


سبحان الله وبحمده سبحان الله العظيم

اخي عبدالله العتيبي لدي تعقيب على مبداا محاورتك فلابد من معرفة التحية الإسلامية ودلالتها ( السلام عليكم) السلام اسم من أسماء الله الحسنى بمعنى السلامة، والله - جل وعلا - هو السلام ؛ لأنه سالم من كل عيب ونقص ، وله الكمال المطلق من كل وجه، فالسلام - سبحانه وتعالى - سلمت أفعاله من مخالفة الحكمة ، وسلمت صفاته من مشابهة صفات المخلوقين ، وسلمت حياته من نقص الموت والسَّنة والنوم ، وسلمت قدرته من قصور التعب والإعياء والعجز ، وعلى العموم فهو السالم من كل ما ينافي الكمال بأي وجه من الوجوه ومما سبق يتبين لنا خطأك اللذي وقعت فيه الا وهو تشبيه الخلق بالخالق تعالى الله عن ذلك أنا أتسآئل أين الأدارة عن مثل هذه الأخطاااء الفادحة.

اخي عبدالله العتيبي لدي تعقيب على مبداا محاورتك فلابد من معرفة التحية الإسلامية ودلالتها ( السلام عليكم) السلام اسم من أسماء الله الحسنى بمعنى السلامة، والله - جل وعلا - هو السلام ؛ لأنه سالم من كل عيب ونقص ، وله الكمال المطلق من كل وجه، فالسلام - سبحانه وتعالى - سلمت أفعاله من مخالفة الحكمة ، وسلمت صفاته من مشابهة صفات المخلوقين ، وسلمت حياته من نقص الموت والسَّنة والنوم ، وسلمت قدرته من قصور التعب والإعياء والعجز ، وعلى العموم فهو السالم من كل ما ينافي الكمال بأي وجه من الوجوه ومما سبق يتبين لنا خطأك اللذي وقعت فيه الا وهو تشبيه الخلق بالخالق تعالى الله عن ذلك أنا أتسآئل أين الأدارة عن مثل هذه الأخطاااء الفادحة.


محماس السلمي شكراا لتعقيبك
ياسلام الله .....أنتهى (هذه التسليمه)( فيه عز وفيه هيبه ) من ملقي السلام يعني سلامي أنا فيه عزوفيه هيبه ...للإنه لايتساوى سلام الشيخ وسلام الراعي مثلا
طبعا سلام الشيخ يلفت البناس ويشدهم من نفس المسلم والراعي عكس ذلك...
(هذا ماقصدته والله عليم)
والسلام عليكم ورحمة الله وبركاته.....أنتهى

اعتقد انك مافهمتني انا اقصد انك انت تشبه السلام تعالى بمن اسميتهم في قصيدتك وبالعكس الله واحدلو نطقه الشيخ والا الرااااااااعي ليس للراعي إله وللشيخ إله آخر كلهم عبيد لله وحده أتمنى ان تكوون مخيلتك قد استوعبت كلامي