محمد الربيقي وسفر الدغيلبي " 4/1/1433هـ "

السلام عليكم..

مساء الخير..


طاروق من حفل إجتماع قبيلة الوسده من حرب في مدينة بريده..

الطاروق كتابي وفيديو..

محمد الربيقي:
في ملتقى اللي ملتقاهم على الطيب=يامرحبا ترحيب طيب وكرامه
يابن سعد تالي ليالك تعاجيب=كل"ن"يحاول عين زرقى اليمامه

سفر الدغيلبي:
تبقون عقب إنا سمعنا التراحيب=باللي سمعنا ماعليكم ملامه
كثر الرعايا كبرت طمعت الذيب=صار يتعدى ضيم يم الجهامه

محمد الربيقي:
لاخفت من شرهات بعض الاصاحيب=البيت بنيه مايعادل هدامه
ودي نقول انك على حق ومصيب=مير العلامه من وراها علامه

سفر الدغيلبي:
بيتي مثبت بالعمد والاطانيب=لاتشتمه وانت آكل"ن" من طعامه
أهدافك صعيبه وتفكيرك صعيب=لكن عيد لا انتهت بالسلامه

محمد الربيقي:
ماقلت يارجال فبيوتكم عيب=لكن نوب العنصريه غشامه
قدام لايدخل بك الشك والريب=إن ما لقيت شداد تلقى مسامه

سفر الدغيلبي:
راحو قبايل حرب مثل الاجانيب=وهمه ربع في نجد ولا تهامه
ظلالنا ظلل طوال المراقيب=ماهو بعود العرفجه والثمامه

محمد الربيقي:
ما نقلط الا مع كبار المعازيب=يشهد لماضينا نهار الرغامه
قامت على راسك تدور الدواليب=تسمك غمامه لا تجلت غمامه

سفر الدغيلبي:
لا وصلك ابن حميد وبخيت وزريب=اختر عمار الحظ ولا دماره



http://www.youtube.com/watch?v=de909qdE0eI

محاورة جميله جدا


دائما اختيارك موفق يالمويعزي..

طاروق لأبأس به

لاهنت يا أحمد

طاروق ما عليه

وعند الشاعرين أقوى منه


لاهنت يا أحمد

لاجديد قاف تقليدي على قول الدكتور حسان

شعراء معليهم كلام

و اذا تقابلوا اطربوا الجمهووووووووور

مشكور يا احمد

لا وصلك ابن حميد وبخيت وزريب=اختر عمار الحظ ولا دماره

غريبه على شاعر بحجم سفر يخطي بالقافيه؟؟؟؟؟؟

طارووق لابأس به
والقااافيه
اختر عمار الدار ولاعداااامه

لا وصلك ابن حميد وبخيت وزريب=اختر عمار الحظ ولا دماره

غريبه على شاعر بحجم سفر يخطي بالقافيه؟؟؟؟؟؟

أحمد المويعزي ماقصرت في نقلك للموضوع لكن أخطئت في البيت الأخير في المحاورة

سفر يقول
إما عمار الدار وألا هدامه

وزين إنك أدرجتها يوتيوب على شأن يقتنع بعض الناس

مشكور على التعديل

وانا قلت مستحيل شاعر كبير يخطي بقافيه

محاوره طيبه ويعطيك العافيه



تقبل مروووري