قالت عتيبي...........

قالت عتيبي قلت فخر ومعزة ****** أهل الكرم والعلم والحلم والباس

قالت عتيبي قصدها بي تهزة ****** ماتدري اني بفتخر وارفــع الراس

الحمــــــــــدلله روسنا دوم رزة ****** اللي خلقنا بس نحني له الراس

صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

حنا العقيلات انشدي رجال غزه ****** حنا هل الدنيا وللدين حــــــــراس

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريـــح هـــــزه ****** حنا لنجد حزام وعصابة الــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجــــزه ****** واللي يحقر قدر الرجاجيل ينداس

منا العدو تكفيه بالعين خــــــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري العتبان يبلاه وسواس

نومه كوابيس وروعه وفـــــــــزه ****** دقت نواقيس الخطر له والأجراس

وان هو لقي له من علينا يــوزه ****** هون له الصعبات وابليس خنــاس

مايدري انه للمهالـــــك يــــدزه ****** عجل علي مبناه يمحي من الساس

يابنت حنا من نخانا نعــــــــــزه ****** يأمن بنا الملهوف وتهابنـــا الناس

مرسولنا للخير دايـــــــم نكـــزه ****** ولصرخة المحتاج نرخي الأكياس

تاريخنا مجـــــد لبسناه بــــــزه ****** نمشي بوسط السوق ماندحم الساس

لك ماتركنا بكاس الأمجاد مـزه ****** واجد عليك ومثلك حثالة الكاس

وش جاب حر الطير لفريـخ وزه ****** منهو يساوي جوهر الماس بنحاس

لاتحسبين انك لنا مــسـتفـــزه****** وش ياخذ الباعوض من ريش قرناس

لايحضرني اسم الشاااعر..

اخوكم روق...

بيض الله وجه قايلها وكاتبها

ربعي العتبان سقم المعادي

سلمت ياولد روق
صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

انشهد انه فعل عتيبه

وجهك أبيض ..ومن قال جعله سالم..

تشرفت بحضورك ياولد العم...

اخوكم روق...

سلمت ولاهنت على هالقصيده التي هيه مفخره للعتبان ..................

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريـــح هـــــزه ****** حنا لنجد حزام وعصابة الــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجــــزه ****** واللي يحقر قدر الرجاجيل ينداس


وصح لسان قايلها والي جابها في منتدى عتيبه ذباحة الحايل لطامة العايل

والى الامام ياولد روق .................................................. ..

مع تحيات :- مطلق الشيباني.......................................... ....

صح السان من قال يا ولد العم وتسلم على الشعر ويعطيك العافية ومشكوووووووور ا____ اخوك ناصر الروقي العظياني

صح لسانك

تسلم يد كاتبها وناقلها

صح السانك وبيض الله وجهك على هاذي القصيده الرائعه وتسلم ياولد العم
تقبل تحياتي:
((الدلبحي))

الاخ روق حفظه الله قبيلة عتيبة معروفة وقيل فيها الاف الابيات . لكن الحقيقة القصيدة التي اوردتها كنت قد قرأتها سابقا في احد المنتديات على انها قيلت في القصمان واظن ان ذلك هو الصحيح لان البيت السادس من القصيدة:

حنا العقيلات انشدي رجال غزه ****** حنا هل الدنيا وللدين حــــــــراس

يخبر بان القصيدة في العقيلات وهم القصمان والمعروف عنهم السفر للتجارة الى الشام (غزة)


لاحظ اخي ان المنتدى يطلع عليه غيرنا وقد يحتسب هذه النقطة ضدنا


اخوك عتيبي

مطلق الشيباني 00ناصرالعظياني00 سعيدان الداشر00 ((الدلبحي))

صحت أبدانكم00 والله يسلمكم وعساكم على القوه00


000000000000000000000000000000000000000000

أخو ي 00 عتيبي سلمك الله00

القصيده وانا اخوك نقلتها على ماهي وماعندي أي علم00على ماأوردته

في ردك سواء كانت للقصمان أو عتابه00 وأشكر في حسن ردك00

وتواضعك الجم00 تقبل وافر تقديري00

أخوكم روق :)

صح لسان من قالها
وسلم من نقلها
شكرا لك على جهودك