لمن هذا البــيـــت ؟
ابـو نــــــواف05-Jun-2003, 08:14 PM
يامال قلبٍ يسج وفيه دولاجة======من هاجسٍ بالضماير قام يدرجها
انا مشكك في قائل هذا البيت بس احب اتاكد ولوسمحتو ماتكلمت القصيده وهل لها مناسبه؟|3|
نجد05-Jun-2003, 09:13 PM
هلا ابونواف
بخصوص استفسارك عن قائل هذا البيت فهو
الشاعر الكبير : عبدالله بن نايف بن عون الرويس العتيبي
والقصيده تعد احدى روايع الشعر النبطي وأجزله ..
يامـل قلـب يسـج وفيـه دولاجـه ....مـن هاجـس بالضمايرقـام يدرجهـا
في معزل عن جميع الخلق وازعاجه ....ما اسمع من النـاس لوتكثر لجالجهـا
ماغير اهوجس تقول مضيع حاجـه ....آخذ واسند علـى روحـي iواهرجهـا
وادوج لوكـان مارجلـي بدواجـه ....ادلّـه النفـس لـيـن الله يفرجـهـا
يالله يالي بيـدك الضيـق iiوافراجـه ....ياخالـق الخلـق ياقاضـي حوايجهـا
تفرج لعين الذي أغفـت بسوهاجـه ....تجهز عليها الطواري ليـن iتزعجهـا
بالصدر ضيقه ونوم العين هملاجـه....عيني من العـام والسهـر متولجهـا
نوب سهرها شديـد ونـب نهاجـه ....ومـر تكـن الدمـوع ومـر تزعجهـا
عليك ياللـي بقلبـي كـن وهاجـه ....وهاج نـار هـوى الغربـي يسارجهـا
أبـو ثمـان تشـاد اللولـو لعاجـه ....كن البرد يوم يضحـك فـي مفالجهـا
ياروح روحي وجرح القلب واعلاجه ....الطف بحـال عليـك الهـم ساهجهـا
قلبي يناجيك بسلوب الهوى .. ناجه ....يشكي لك الحـال داخلهـا وخارجهـا
اما التفت لي وتم الوصل بمواجـه ....والا بـلا عشـرة هــذي نتايجـهـا
وش ينفعك من حنين القلب وخلاجه ....وجروحي اسبابهـا انـت ولا تعالجهـا
الــوآفــي05-Jun-2003, 10:03 PM
مشكور يا نجد ويعطيك العافيه
ابـو نــــــواف05-Jun-2003, 11:35 PM
اشرك جزيل عزيزي على ردك السريع علىسؤالي لمن هذا البيت|3|
ابن آوى08-Jun-2003, 06:06 PM
اخي العزيز القصيدة موجودة بالمنتدى منذ فتره
http://www.otaibah.net/m/showthread.php?s=&threadid=3829
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
