سلمان سميته على الشيخ سلمان

بسم الله الرحمن الرحيم

السلام عليكم ورحمة الله وبركاته

اولاً اعتذر عن الغيبه الطويله


واليكم هذه القصيده

وهي رداً على هدية

الاخ العزيز مطلق بن محمد بن ناشي المفرجي النفيعي

وارجوا ان تنال على اعجابكم




سلمان سميته على الشيخ سلمان = شيخ الرياض اللي عزيز(ن) جنابه
اسم (ن)على اسم(ن) ولا الاوصاف شتان = ما الطير جاي(ن) لون سيف الحرابه
لكن عسا(ن) الاسم يكسيه ثنتان = واللي وراها مستحيل الرجابه
الاوله هيبة مسمى(ن) علشان = يرهب ليا ماريتبه من هقابه
والثانيه لا اخذت ما يخفي الاعيان = الليا النواظر والنواظر تشابه
هذا وانا يا سعود ما سقت الاثمان = في مشتراه ولا طلبته طلابه
جاني هديه من طويلين الايمان = اهل الوفا واهل النقى والمهابه
هذا هدية صاحبي طير حوران = وصار(ن)طباعي غير ليلة لفى به
جابه عتيبي(ن) وفي جمع عتبان = وحظروا دواسر في المحل يوم جابه
مفرجي(ن) صافطه لي صفطان = وصفطان بين اخوان ويش الغرابه
وفي مدح من جابه يزين(ن) الاوزان = ولا الجزاء بعض العطاء لا جزابه
يا راكب(ن) من فوق تصميم الالمان = اللي اليهودي صممه واعتنابه
ابيض فخامة فيه وابداع وامان = وثلاثة احرف نقش ما هن كتابه
بي ام دبيلوا واثمنه خير برهان = غالي ويشكي لن وصفته صبابه
امبيمن باللمس تاكيد من شان = ما يركبه كل من هقى فك بابه
وبضغط هيدروليك تثبيت الاوزان = وتهبيط بديه لا وقف وانتصابه
والشفط يعمل فيه تسكير بيبان = ليا انفتح بابه بشفط انسحابه
وسكان طبلونه بزائد ونقصان = ينقص لاجل ما يجهر اللي سرابه
على اربع الافه ثمان إمئة حصان = خالف بنود السيطره والرقابه
وليا انتهض كنه على كف شيطان = واسبق من الي حدرتها السحابه
يعصا على خفر الطرق وين ما كان = تعطيل سيره عن طريق(ن) مشابه
ياسايقه ذلوان ذلوان ذلوان = غلق له الي باقي(ن) من زهابه
بعد انصرم من ليلك الليل ثلثان = في الثلث الاخر موترك واعذابه
من الحوية عرض خط سيدان = واربع مسارات(ن) بسيده تشابه
وانت امسك الايسر وجهتك يافلان = نجد الذي كل(ن) قصد في هضابه
بعد السرى لن شعشع النور ثم بان = ملفاك بيت بين(ن) ما تغوابه
مفتوح بابه في الضحى والمسيان = للضيف من قاص العرب والقرابه
تلقى تراحيب تشوش بها الاذهان = وقولة هلا بالضيف يامرحبابه
هذي طبوع اهله على مر الازمان = طبع(ن) لهم قبل النبي والصحابه
للضيف فوق النار يجذون رسلان = في جوفها الي مستحب(ن) شرابه
بن(ن) مصاريمه من جبال خولان = وهيل(ن) خنينه للشواريب اطابه
ومن بعد شرب الكيف حيل(ن) من الضان = الضو شحمها عاجز(ن) به مذابه
منزل كريم مات واحيوه غلمان = الله يغفر له ويسقي ترابه
والله ما كنه مات حي(ن) الى الان = مرحوم من وخر اسباع تشابه
سربت مفاريج(ن) على العزه اخوان = وان جيت اوصفهم اسود(ن) بغابه
عيال ابن ناشي محمد لهم شان = عندي وان قيل الردد وش نوابه
قل يانديبي خط شكر(ن) وعرفان = من غانم المطلق زبون المهابه
والشكر للي نرتجي منه غفران = الي عباده خوفها من عذابه

..

غانم القاضي ..

لله درك من قصيده ..

صح لسانك واعتلا شانك .. جزله ولا تأتي الا من راس جزل ..

وفي انتظار جديدك ..!!

.
أخوك.

صح بدنك

وبيض الله وجهك على المرور

إبدااااااااااااااااع بكل ما تعني كلمة إبداع ...

صح لساااااانك وبيض الله وجهك ...

تحياااااااااتي .

صح لسانك على القصيده

صحت ابدانكم

ومشكورين على المرور

غانم

صح لسانك

قصيده جزله

من جزل

صح بدنك

واشكرك على المرور