ياهواجيس الزمان الي تكاثرتي عليه

ياهواجيس الزمان الي تكاثرتي عليه=وانثنى لك قلبي الي ما انثنى طول الزمان
روفي بحالي تراني ماتحملت الخطيه=عادتي في دنيتي ما ارضى بشي من الهوان
لين جيتي ياهجوسي تحملين العنصريه=ولان لك قلبن لغيرك طاغين مابعد لان
لين جيتي ثم طريتي في صباح وفي عشيه=واستباح الهم قلبي من مكان اليا مكان
الهموم انواع والنيه فهالدنيا مطيه=والقلوب تموت لن كانت دهور من الحنان
الله اكبر ياهجوسن وردتني للمنيه=وارد حياض المنايا والسعاده ماتبان
والله اكبر يوم اشوف الموت فعيون ابدويه=بنت بدوٍٍ ماتطالع غير بطراف العيان
ماتشوف من الاوادم لاكثير ولا بليه=مهرتن فيها الصاله بس مافيها عنان
هاذي الي سببت هاجوس فكري من شويه=هاذي الي من بعدها صابني قل اتزان
هاذي الي من سبب نضراتها رحنا ضحيه=هاذي تنشب الغارات من بين الخوان
هاذي الي تستحق تعيش في قلبي هنيه= هاذي الي تستحق الحب من كل الكيان
هاذي الي من كسبها لو خسر فالوقت ميه= ماعليه خلاف دامه ممتلكها بالضمان
ياهجوسي مانلومك دام هاذي لك خويه=اسرج حصانك وعشرك لاتخليها ثمان

اتمنى من الاعضاء التقييم

والله اكبر يوم اشوف الموت فعيون ابدويه
..........................بنت بدوٍٍ ماتطالع غيـر بطـراف العيـان
ماتشـوف مـن الاوادم لاكثيـر ولا بليـه
..........................مهرتن فيها الصاله بـس مافيهـا عنـان
هاذي الي سببت هاجوس فكري من شويه
.......................هاذي الي من بعدها صابنـي قـل اتـزان
هاذي الي من سبب نضراتها رحنا ضحيـه
...........................هاذي الي تنشب الغارات مـن بيـن الخـوان
هاذي الي تستحق تعيش في قلبـي هنيـه
........................هاذي الي تستحق الحب مـن كـل الكيـان
هاذي الي من كسبها لو خسر فالوقت ميـه
...........................ماعليه خـلاف دامـه ممتلكهـا بالضمـان
ياهجوسي مانلومك دام هاذي لـك خويـه
.............................اسرج حصانك وعشـرك لاتخليهـا ثمـان

الشاعر ابراهيم الزراقي

الله يلوم اللي يلومك

وما دامها كانت سبب في هاجوس فكرك فكانت سبب في انتاج

هذه القصيده وظهورها للنور .

فلا شك بأنها رائعه كروعة هذه القصيده .

صح الله لسانك ولا هنت

صح لسانك


قصيدة جزله

اشهد بالله انك وافي وشاعر ميه ميه
واجيزززززززززززززك بقوه

صح لسانك

عز الله انها قصيده بمعنى الكلمه

ابراهيم الزراقي أبدعت وليس هذا

بغريب عليك تمتلك موهبة شاعر


حقيقتأ لا مجاملة قصائدك جزلة تميل شوي


للغزل هههههه قلبك خضر تقبل مروري

الله عليك اخوي ابراهيم

بحق ابدعت في هذه الرائعه التي اسرت اعجابي


صح السانك وسلم بنانك

لكن لدي ملاحضه بسيطه جداً وهي في هذا الشطر اتمنى ان تعيد صياغته لانه لايتوافق مع اللحن المتبع في القصيده

(هاذي تنشب الغـارات مـن بيـن الخـوان)



تحيتي .............. وتقديري ..................لك ايها المبدع

بيض الله وجيهكم على المرور الرائع والله لايهينكم

احمد الحربي ...والله ماعاد فيها تغيير اسمح لنا لاكن انا اشوف مافيها شي

صح لسانك ياابراهيم تستحق التصفيق تلك القصيدة


دمت بخير

شاعر ومافيك حيله


والقصيده حلوه وبيض الله وجهك


ولا تحرمنا من جديدك