شاعر معنى

قبل بني المثايل قبل بدع الهجوس =


= ياسلامي عليكم عد وبل السحاب

مقبلات الليالي عودت حد موس =


= والحصاني تعشت من جنوب الذياب

بادي المراقيب : صح لسانك , وقاف رائع وأنت أروع من القاف .

صدقت يوم قلت :

مقبلات الليالي عودت حـد مـوس === والحصاني تعشت من جنوب الذياب

هذا إذا معناك مثل ما فهمت أنا .



ودي باللعب معك وأتشرف , لكن سرى ليلي . وننتظر واحد من الشعار



أخوكم/ قادح شرار.

\
\

شكرا على مرورك الكريم و المقبلات يا ذيب


لن طال العمر وفالك العلم الغانم

بادي المراقيب صح لسانك

واستلم الرد

مرحبا يا المسلم من عزاز النفوس=اسر مسرى الذيابة وانتبه لاتهاب
المعاني نباها مثل عد الفلوس=لاتخلي لزومك يا عزيز الجناب

بادي المراقيب + نايف الروقي

صح الله السنتكم

بداية أكثر من رائعة

البقا ونت شاعر ضافيتك اللبوس =


= مار سجل حضوري بعد طول الغياب

الصوامع تجيب الحب من دون سوس =


= مار من هو يحط السوس وسط الجراب

لاح برق الحياء لاكن وين العسوس=والخطاء يختلف ماهوب مثل الصواب
لقمه ابليس نشبت في الجماء والضروس=ماله الا العقوبه والنكد والعذاب

برمجتنا النصارى وخلفتنا المجوس =


= نلحق اللي مقفي مثل طرد السراب


والمطر ما يمري في رمال الطعوس =


= دام وان الرياح تهب من كل باب

انت وين انت عنها في النهار العبوس=مالقيناك يومن المواقف صعاب
اعترف بالحقيقه لا تحوس وتدوس=جاك مني سوال ومنك رد الجواب

لو محاربك فيها مثل حرب البسوس =


= فوق وضح النقا ما شخت يابو ذياب


مار صرف الجنيه وبور منهم حلوس =

= والشقر الريش غير ريشتك يا غراب

صح السانك والجايات اكثر