سلام رديةً مثل القمر للنجوم
عمير الثبيتي07-Jul-2008, 01:02 PM
أقرب شاعر
سلام رديةً مثل القمر للنجوم =لولا القمر ما لنجوم اتشعشع بنورها
البدوا لاشاهدوا برقاً وخالوا غيوم= لابد ياهل المعرفه ترسل السبورها
مرجح الميزان07-Jul-2008, 01:14 PM
يامرحبا ياهلا والشمس فوق العموم=وأن كان وانك مشكك,, زورها ..زورها
والبدو لا شاهدوا طير الحباري تحوم=تفرح بشوف القنص .. وتهدد طيورها..!!
عمير الثبيتي07-Jul-2008, 01:37 PM
دام البقا والنبا حلوه يغطي علوم = ياراعي الطبخه اللي فوق دافورها
من يطعم العلم مثلك ما يغر اليموم= والبدوا ماودنا الغوش فى قدورها
مرجح الميزان07-Jul-2008, 01:52 PM
الله ,,الله
يا بادي المرقب العالي علاك الهموم=كثرت.. وقامت عيونك تبدي شعورها..!!
لكن حول وخله مع قوي العزوم=والعاقل اللي يطيع الروس في شورها
هايل المرزوق07-Jul-2008, 02:00 PM
ياسلام عليكم ثنينكم مبدعين
بادي المراقيب
مرجح الميزان
صح لسانكم وطابت ظهيرتكم
مرجح الميزان07-Jul-2008, 02:02 PM
هلا ياهايل صح بدنك وطاب يومك
عمير الثبيتي07-Jul-2008, 02:16 PM
هاذي مقادير والدنيا منى مع حلوم=اللي سلم من عماها ماسلم عورها
مانته مرخي عزوم أهل الوفا والقروم=والقيده اخطامها في يدي وباكورها
عمير الثبيتي07-Jul-2008, 02:19 PM
حياك الأخ هايل والشكر موصول على مرورك والابداع في حضورك
مرجح الميزان07-Jul-2008, 02:31 PM
من طاح حظه لك الله ..لو يطيح ويقوم=يصبح كما اللقمه اللي وسط حنجورها..!!
ياعنك في تالي الدنيا .. تعز الرخوم= حتى الجنايز تجر الصوت فقبورها
مرجح الميزان07-Jul-2008, 02:57 PM
بادي صح لسانك والاخير عندك واشكرك على اتاحة الفرصه
عمير الثبيتي07-Jul-2008, 02:57 PM
الله يدير الفلك ياخذ ويعطي قسوم= ودنياك عاين نصيب الحر مع كورها
يامرجح ان كان ودك تعتلي فى الرجوم= لاتسبح ابحور مانته عارف بغورها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
