سلام والعيد راح وعيد في كل ليل ( العصيمي)

كل عام والجميع بخير




سلام والعيد راح وعيد في كل ليل = اليا حضر تفرح القلطه وشعارها


ياليت خصمي من الاصحاب راعي عصيل = ابنشده عن علومٍ شاعت اذكارها

...
.
ياليت خصمي من الاصحاب راعي عصيل
ابنشده عـن علـومٍ شاعـت اذكارهـا



الله الله
حمدا ً على سلامتك عدت وعاد معك الابداع ...

تسلم يابو منذر


والابداع وجودك انت وشرواك معنا

كل عام وانت بخير يالعازمي



شاعر كبير للامانة


وبدعة قوية




صح لسانك حتى ترضى

وانت بخير يافواز لاهنت


وماعليك زود


وصح بدنك


الليل يالعايضي

يا سلاااااام عليك يا أبو طلااااااال .

عدت وأنت كما أنت صاحب الأبداع .

متابعينك ..............

ههههههههه قادح


لاتطيرنا


تفوقتو علينا بعد الغيبه


لكن هيّن


صح بدنك ياصاحبي

ياليت خصمي من الاصحاب راعي عصيل
ابنشده عـن علـومٍ شاعـت اذكارهـا

ههههه

ياسلالالالام سلم

صح لساااااانك يابو طلالالال

مليوووون

كل عام والجميع بخير




سلام والعيد راح وعيد في كل ليل = اليا حضر تفرح القلطه وشعارها


ياليت خصمي من الاصحاب راعي عصيل = ابنشده عن علومٍ شاعت اذكارها

يامرحبا ياعيد والمعذرة والله مادخلت المنتدى لي مدةوتوني وشفت الرسالة الخاصة0وستلم الله لايهينك


يامرحبا يا لمسلم جعل عمرك طويل=وترى النشاما تموت ولاطفت نارها

ياليت راعي جهام اللي يخيل المخيل=يعلم الصاحب اللي ضيع اعيارها

الغالي والاخ الجلاه والله لي الشرف بمجاراتك انت وابو طايل

وكل عام وانتم بخير ولكن المقصود العايضي




قريت خطك يابن عايض وهاك الزميل = لكن ورّد علومك وانفض غبارها


لو تلحق العازمي شرهه ولومٍ ثقيل = ماتطلع ام العيون الغور من غارها

ناصر الجلااه لي عتب عليك هههههههه لكن بعدين يا نجم الهيلا


سعود العصيمي هلا وغلا بمتنبئ عتيبه



معجب نورت وعطرت المتصفح يابو سلطان


وكل عام والجميع بخير

العازمي والعايضي صحت السنتكم
مبدعين واصلو

اعلومنا صاملة ياللي تحط وتشيل=وانتة بفكرك وكل الناس بافكارها


ياعيد لاروحت معاد فيها عقيل=أشرة على اللي تحسب الشعر من كارها

مباشر يابو عايض




هرج القفا يالعصيمي لاتحطّه سبيل = وانته من اللي يوافق شارنا شارها


ان كان ودك تخاوينا هلابك وهيل = ربعك تعز اللحى وتعرف مقدارها

اعلومنا يالعتيبي ماغطاها النثيل=كلمتك ياعيد ليتك جبتلي غارها


خوة رجال المعرفة عندي اكبر حصيل=ماخابت انظارها ماباحت اسرارها

لم نوفق في التواجد سوياً يابو عايض ولكن الختام عندك



ماكان ودّي يجي منك انت قالٍ وقيل = لكن من شانكم قررت مصدارها


النا الشرف يالعصيمي يازبون الجزيل = عد الجبال المنيفه واشتل حجارها

والله ودنا تكون مباشرة لكن حصل خير والله لايهينك



ياعيد لاتتهمنا وانت مالك دليل=ياكثر هرج البدو من كثر تكرارها



الله يشرف مقامك يالخوي يالعميل=والقدس دايم عزيزة داخل اسوارها

كل عام والجميع بخير
محاوره رايعه

كفو وبيض الله وجيهكم كفو وصحت السنتكم تقبلو مروري اخوكم الصابري العازمي

والله ودنا تكون مباشرة لكن حصل خير والله لايهينك



ياعيد لاتتهمنا وانت مالك دليل=ياكثر هرج البدو من كثر تكرارها



الله يشرف مقامك يالخوي العميل=والقدس دايم عزيزة داخل اسوارها

تعديل املائي العميل وليس يالعميل

جميع من شرفنا على الرأس والعين ومروركم شرف لنا