قصة طلال الثعلي مع الــ Bmw !!!!!!!

سلام علاكم :)

أكيد سمعتوا المثل اللي يقول :
< يا من شرى له من حلاله علة >

قدّر الله على طلال الثعلي <== تقول مايت :D
ثم إشترى جهاز ...
كأول إنتر نت يدخل المحاني ;)
مالكم ومال طوالها ...
جاء يبي يرد على القصيدة ثم حذفها ...
خلاها زي النجوم ههههههههه
<-- الإختصار زين ...

وهذي هي القصيدة كما كانت من قبل :

صراحة قصيدة مهضومي كتير ياللي مابيعرفها من قبل يقراها هلق :cool:





هات الدلال وهات كـل المعاميـل=ومد الفـراش وشـب ناراًسنـاوي


في روضةً يطرب لها القلب بلحيل=للذيب فـي عالـي حماهاحـراوي


ماللشواوي فـي طرفهـا مداهيـل=ولاسيًرت فيها طـروش الشـواوي


الها شهر تصبح وتمسي على سيـل=يعلهـا وبـل السحـاب السمـاوي


واليوم فيها العشب نبتـه محاميـل=من كل نوع اتشوف للعشب حـاوي


هـذي تـراهـا مطلباً للرياجـيـل=هـذي مـلاذ مبعديـن الهـقـاوي


اللي ليا قفوا عـن القـال والقيـل=يلقـون فيهـن الطبيـب المـداوي


يوم ان ولد اللاش مايسـري الليـل=جبان ولـد امـه مايرقـد خـلاوي


وقرًب عليه خزنـة البـن والهيـل=ولاعاد تنشدني على ويـش نـاوي


ان كان تبغا الكيف هـات الفناجيـل=مالك ومـال مطـولات الدعـاوي


انا ابسامر وارقب الجدي وسهيـل=صدري معذبنـي وقلبـي شقـاوي


انـا المتيـم فالرمـوش المظاليـل=اللي هدبهنـه عريـض امتسـاوي


الجادل اللـي وصفهـا نادرةجيـل=اللـي بنظرتهـا تضيـع العـزاوي


عن جيلها تفـرق بكـل التفاصيـل=فرق ال بي ام عن كل وارد عراوي



الشاعر : طلال الثعلي


تحيااااااااااتي.

اقووووول

احس السالفه فيها ان ;)

بس القصيده حللوه


تحيااتي

اقول ياوصل
انتم عندكم علوم ..........
والله مادري عنها

بس القصيده
حليوه
ورا ما يعلق طلال.....؟؟؟؟؟؟؟؟؟







اوخيك شيباني نت

الأخ/ وصل

ماللشواوي في طرفها مداهيل ----- ولا سيرت فيها(طروش) الشواوي

قصيدة الشاعر طلال الثعلي أكثر من رائعة0

شكرا لك على نقلها

لك ألف تحية

أخوك / حســــــــــــــــان

على قولتهم المعنى بكبد الشاعر
يعطيك العافيه ياوصل

انا ابسامر وارقب الجدي وسهيـل...
صدري معذبني وقلبـي شقـاوي

صح لسانك


ولسان راعيها