ياسلام الله على اللي طبعهم ذبح السماني

السلام عليكم ورحمة الله وبركاته

امسي على الجميع بالخير

رجعنا بعد انقطاع لفتره ليست بالقصيره

لوجود بعض الضروف وبعض الاسباب اللتي لاداعي لشرحها

أرجوو اني عدت والجميع بخير




ياسلام الله على اللي طبعهم ذبح السماني = طبعهم ذبح السمان وكل ضيفن يكرمونه
من غلاكم مالتفتنا في فلنتان الفلاني = مزعل الضيفان ياليت النشامى ينصحونه

ياسلام الله على الي طبعهم ركب الدناني __ يركبون الدنان و كل صعب يوصلونه[

وعليكم السلام ورحمة الله وبركاته

حياك الله والحمدلله على السلامة



مرحب ترحيبة(ن) يسمع بها قاصي وداني=والسماني واجب المطران للي يخطرونه
الهواء ذعذع علينا من شمالي المحاني=قبل لايصلاك حر(ن) من جنوب(ن) تعرفونه

ممتاز ومتابعين

الشيباني اسف على التاخير لني قبل أمس ماكنت موجود على النت

ويوم امس الموقع معلق حاولت ارسل الرد اكثر من مره وعيا يقبل

اليوم فتح المتصفح ارجوو ان مايعلق مرتاً اخرى استلم الرد لاهنت





البقا ياللي ترحب بالخفاء ولا البياني = والكرم طبع العرب وأهل الكرم ماينكرونه
الهوى ذعذع عليكم يوم شرعت المباني = ولا يجيني من جنوب ألا برادن يذكرونه

حياك الله من جديد ولاحصل قصور


يحفظ الله يالمطيري من بناء هذا المكاني=لين عكفان الشوارب كل يوم(ن) يدهلونه
جيتنا تشكي تهل الدمع من حجر العياني=يوم حنا مايزعزعنا رطين(ن) ترطنونه

يحفظ الله من بنى بيته وسوى له ضماني = حافظن مبناه والجهال ماهزت ركونه
الدعاوي كانها جت في يدين السيفهاني = بالتصرف يسمجون وكل شي يسمجونه

الله الله


صحت الالسن والقلوووب


متابع للابداااع

ربعي اللي من على وقت الجهل حتى الاماني=ماتعدوا فالحدود وكل عايل يلطمونه
والله انا مانباها بين جيران وعواني=لين شفنا عاقل المرة يكشر عن سنونه

صح بدنك ياحاكم وكل من مر الطاروق

صحت الالسن

ربعي اهل المعجزات أهل العنان مع السناني = الثلاث المعجزات امطير بانيتن حصونه
ابن مشيب والله انا مانباه إيصير اناني = مار أشوفه قام ينظر في ويطير عيونه

صحت ابدان جميع من مر على هذا الطاروق وصحح

لاهنتوو جميعاً تحياتي

صحت الالسن والقلوب

والصف صفك يارمح مطير

ولاهان قبيلك

صح كلك البريهي والصف يزهاه وجودك

كفو يالاجواد مار احذر توثم باللساني=معجزات الانبياء حق(ن) لهم لاتطمعونه
الخلايق بالعيون تشوف ووحت بالاذاني=وانته اللي بالعيون وبالاذاني يسمعونه

اخو جوزا والبريهي حياكم الله

صحت السنتكم على هذا الطاروق الجزل ، واصلوا وحنا متابعين معكم.




تحياتي

ابن مشيب تالي الايام يامر بالحساني = تاركين اللي مضى والدين صار يطبقونه
الخلايق كل يومن عنك تقرا بالبياني = كل يومن يابن مشيب لك قرار يصدرونه

ابن مشيب في خويه مامسح وجه وخاني=والمطيري ميزته في صاحبه لازم يخونه
الخصم نفني حياته مارضينا بالمهاني =والمطيري في ام ورعانه وريده يقطعونه

صح بدنك يابن مشيب

المطيري في خويه ماطلع مجرم وجاني = الخوي مخباه لو طال السفر ماياصلونه
وانت مايامن خويك لو في شهر ارمضاني = لجل مافي خبنته دم الخوي ماتحفظونه

الشيباني تشرفت باللعب معك لاهنت

وصح لسانك مقدماً والختاميه عندك

والمعذره يالغالي اذا حصل بعض القصور

ولكن هذه حالة المحاوره ماتخلو من الشد

تحياتي لك ولمن تابع وصحح لاهنتوو جميعاً

الخلاوي لبسك ثوب الحقيقة من زماني=والقبايل صفقت له يوم طبعك يعلمونه
وسمها في صابرك ماينمحي يالمودماني=لو مطير يحاولون اللي ركبهم يقلبونه

الله لايهينك يارمح مطير وهذي طرات المحاورة ولا لحقنا ولاحقك شك وتصبح على خير واشكر كل من مر على طاروقنا

الله الله ابداع

صحت الالسن على هذا الطرق الجميل

فتل ونقض متواصل