حبيب العازمي وبن وسام

حبيب العازمي




طلع هوق هوقن للمنصه وناداك
يا سلطان بن وسام توني بريه
يصارعك حتى تنسحب ويتحداك
ولو كان فرق الوزن طبعا قضيه



سلطان الهاجري



انا ما علمت الا يميني بيمناك
ومن طاح راح بذمة العامريه
تحيزم وانا في ذمتي ٍ لتقفاك
واسجل عليك مصارعه عالميه





حبيب العازمي



ادورك فوق الارض لين اني القاك
يا راع الشداد اللي غدا والمطيه
ما تدري لو ان الله على خير درباك
مثل ما تدربت عام الاول طميه



سلطان الهاجري




سلامي على هاذا وهاذا وهاذاك
ليا لاح برق المزنه العقربيه
انا ما نزلت ابها على الحمض والراك
اسوق الركايب للفياض العذيه




حبيب العازمي



نخيتك ثلاث امرار واليوم ما انخاك
كبنك خفير ولا تعرف التحيه
انا ما اختلف قلبي ولا اغر معناك
اقول الحطب موجود والنار حيه




سلطان الهاجري




وانا ما اقدر امرك كذا واتعداك
لابد اخبرك بالغلطه المطبعيه
جواز السفر من ليت الاول بمخباك
واظنك نويت الرحله المكوكيه



حبيب العازمي





ليا جيت من جابك يا سلطان وداك
انا ذمتي من ذنب غيري بريه
ليا شفت فالركاب مثلك وشرواك
رميت الجواز وصورة التابعيه



سلطان الهاجري






علامك تناساني وانا ما اقدر انساك
كبني خوي ٍ ما يخلي خويه
تصلي وطاحت عمتك في مصلاك
في عيد رمضان وقبل عيد الضحيه




حبيب العازمي




انا اللي يكدر عيشتي هم فرقاك
كبن اللكاعه فيك ما هيب فيه
اصلي لكن ابليس ينحاش مناك
ليا كبر المسلم تبعد شويه


سلطان الهاجري





اجل روح جعل الله يحفظك ويرعاك
ولا للرعيه غير راع الرعيه
انا خايف ٍ بعض المطايا توطاك
من الفزعه اللي خاتمتهم رديه





حبيب العازمي




ترا الحر ياقع في حمامه وشباك
ولا تحت حر الشمس للحر فيه
انا ما عطيتك شي مير الله اعطاك
ولكن خل اكلك بليه بليه

جمال لا يوصف بحضور ملوك الإبداع وثالثهم المثالي

كل الشكر والإمتناااااان

يعطيك العافيه غلى نقل هذا الابداع

هذي المحاورة ولا بلاش

الله يعافيك يالمثالي

الله الله لله


هذه المحاوره من المحاورات القديمه التي تعد من العيار الثقيل ..


حيث وصل صداها القاصي والداني


وكان مستور العصيمي وفلاح القرقاح من بينهم ..



بيض الله وجهك يالمثالي على الانتقاءات الجزله ..


تحيتي
..

لاهنت يالمثالي تميز في اختيار المحاورات النادرة والحماسية


تقبلوا مروري تحياتي

صح السان الجميع

الله لايهينك اخوي والله محاوره رايعه بين شاعريين لها الباع الطويل والمعاني الجميله
لك كل الشكر يالمثالي في نقلك وموضوعك الجميل
تقبل ودي وتقديري لك .

يعطيك العافيه غلى نقل هذا الابداع

طلع هوق هوقن للمنصه وناداك
يا سلطان بن وسام توني بريه

للتصحيح فقط الاسم لمصارع ضخم نيوزلندي اسمه توني قاريا

فـ حبيب يقصد أنه هوق هوقن وسلطان هو توني قاريه

طبعا وجه الشبه هو كبر الحجم الله لا يضر ابن وسام هههه

سلمت يمناك ومحاوره ممتعه ما أذكر تاريخها لكن سمعتها قبل سنه في شريط كاسيت

الله يعطيك العافيه

الله الله


اليا أجتمع حبيب وسلطان


لازم تكون المحـــآوره رآآآيعه وناريه


تسلم يمينك يالذيب ولاهنت

شعار عمالقه وفتل ونقض ومحاوره لها معنى يعطيك الف عافيه اخوي