قصيده في الفارس وسيمر بنفاضي المغيري

بسم الله الرحمان الرحيم
هاذي قصيدة الشاعر الواعد عزام نواف المغيري في الفارس وسيمر بن فاضي بن شهيل المغيري (رحمه الله )وكان الفارس وسيمر بن فاضي من فرسان عتيبه وله افعال مورخه وقصص مشهوده وافعاله مع قبيلته معروفه ويحفضونها شيوخ قبيلة عتيبه الهيلا وكان هاذا الفارس يهابه الخصم وله عدة معارك اثبتت افعاله بين القبايل ولا احب اطيل عليكم وافعال وسيمر ومواقفه يعجز اللسان ان يعبرها ولا تنحصا افعاله كما ذكر الشاعر في القصيده اخليكم مع القصيده

يقول الشاعر الواعد) عزام بن نواف بن الشهيل المغيري

م
مرحـوم يلي مايــلاقـا وصـيفـه...مقدام ربعه لابغـو كـسبت النـوق

امقـضبن بعـض القبايـل حـتيفه...يوم الاقا في وقت زارق ومزروق

راع الفـعـول النـادره والشريفه...يوم الاقا يلحق ولاهـوب مـلحوق

يارد على حياض المنايا بسيفه...وكم راس شيخ(ن)من علا المتن محلوق

من قو ضرب الي يرجح كـفيفه...جماجم الـعادين من ظربه افروق

ولو بـذكر افـعوله عـليه كـليـفه...ماتنحصا فعوله حجا كل مضيوق

وسيمر ابن شهيل ستر العفيفه..مقدام ربعه لاغزو ساعة البوق

لاناطح العادين قـص النصـيفه...يكسب انياق القوم في ساعة الضوق

مايرجـع ايـدينه تـواما خـفيفـه..مايرجع الابسود متسنده فوق

حنا هل الطالات واهل الرهيفه..كم كبد منا صابها غبن وحروق

ونفرق عن القلب الموالف وليفه..لاتنكرون انكانها قضبت احلوق

مـاينـكر الا نـاس دايـم اضـعيفـه...وختامها هاذي تحيت ولد روق




صح لسان الشاعر الواعد عزام نواف المغيري..تقبلو تحياتي روقي الدوادمي

الله يرحمه

وصح لسان الشاعر

لبي داورد واللي سكن فيها

تحياتي لشخصك الكريم

ونعم والله

سلطان الحافي ياااامرحبا تراحيب المطر ومرورك شرف وصح بدنك يالغالي

الامير حريبيش عز الله انك الامير ومرورك شرف وماعليك زود يالغالي