17-Jul-2011, 11:53 PM
يارب اغثنا ياولي المقادير ***غيثن من الرحمه لبرقه لميعي
ياالله يامعبود ياوراعي الخير ***يامودعن بيض الصحاري ربيعي
يامنزلن وبل المزون الشخاتير***ومطلع من البيدا نباتن صديعي
يطلع نباته له زهور ونواوير***والشوف في مظهر خضاره يريعي
فيه ام سالم داله والعصافير***مترافقاتن في فياضه جميعي
والصيد نلقى له قنوص ودواوير***ويلقون لانواع الحباري قطي
والفقع يجنونه بروس المحافير ***مابه كماوي كل طلعه طبيعي
فيه البيوت مشيداتن دواوير***يازين منظر كل بيتن رفيعي
والعشب ترعاه البكار المعاشير***عقب العلف ترعى نباتن نفيعي
يرعاه طرشن فيه سود ومغاتير***ترجع على صوت الموده سريعي
ويسقيه من غر السحايب مزابير***لان المسايل عن سنعها تتيعي
غيثن يعم جبالها والنهابير***في حكم من كلن يجيله مطيعي
وماقل دل وملحة الهرج تذكير***ولاخير في هرجن مفاده ضريعي
وصلاة ربي عد ذار المعاصير***واعداد من يحضر بسوق المبيعي
على نبين نور الدين تنوير ***يوم القياعه عند ربه شفيعي
الشاعر بدر عبدالرحمن القوس
ياالله يامعبود ياوراعي الخير ***يامودعن بيض الصحاري ربيعي
يامنزلن وبل المزون الشخاتير***ومطلع من البيدا نباتن صديعي
يطلع نباته له زهور ونواوير***والشوف في مظهر خضاره يريعي
فيه ام سالم داله والعصافير***مترافقاتن في فياضه جميعي
والصيد نلقى له قنوص ودواوير***ويلقون لانواع الحباري قطي
والفقع يجنونه بروس المحافير ***مابه كماوي كل طلعه طبيعي
فيه البيوت مشيداتن دواوير***يازين منظر كل بيتن رفيعي
والعشب ترعاه البكار المعاشير***عقب العلف ترعى نباتن نفيعي
يرعاه طرشن فيه سود ومغاتير***ترجع على صوت الموده سريعي
ويسقيه من غر السحايب مزابير***لان المسايل عن سنعها تتيعي
غيثن يعم جبالها والنهابير***في حكم من كلن يجيله مطيعي
وماقل دل وملحة الهرج تذكير***ولاخير في هرجن مفاده ضريعي
وصلاة ربي عد ذار المعاصير***واعداد من يحضر بسوق المبيعي
على نبين نور الدين تنوير ***يوم القياعه عند ربه شفيعي
الشاعر بدر عبدالرحمن القوس
