أسماء الإبداع عيد جابر الجعيد وسلطان بن وسام الهاجري جديدة وحصري

بسم الله الرحمن الرحيم


كما عودناكم على تقديم الجزل والمفيد


اليوم أقدم لكم محاورة بين الشاعرين:ـــ عيد جابر الجعيد و سلطان بن وسام الهاجري


[صورة غير متوفرة]



[صورة غير متوفرة]



مـــن حفل زواج المهندس/بدر سعود عيد الجعيد


وتم تغطية الحفل على هذا الرابـــــط : ــــــ


(http://www.otaibah.net/m/showthread.php?t=128020)



العرب كل واحد سبحته في يمينه=وأنت ربعك عليك تلــد بعيونها
رسمه للمعنى بشكل خطير جدآ

البرىء ياوسيع المعرفة لا تدينة=والمدينة حرام أنهدم حصونها
رد بصورة المطلوبة على المعنى بشكل الصحيح

أثر عيد الجعيد تحارب النوم عينة=يوم شاف البدو فارقة ظعونها
جميل البيت والتصوير

أشرب الكيف عقبنك تركت السمينة=السوالف لها ناسآ يعزونهــا
بيت في الصميم ياسلام

من يهين الرجال أقول لازم تهينة=كلمتك سابقة والناس يوحونها
بيت أشادبه ملفي المورقي في نفس الحفلة


عيد الجعيـــــــد


وين سلطان بن وسام بيني وبينة=كلمتآ ما يضيع الحق من دونها

لا تشره على اللي مايعرف الظغينة=والأمانة تعود عند مــا مونها


سلطان الهاجـــري


أنت تبغى عجاجة صيف ولا سكينة=قدم أدرج قدم رجلي على هونها

غير كبدك كبودآ من زمنها حزينة=حزن ليلى بعد مــا مات مجنونها


عيد الجعيـــــــد


أختر اللي يناسب لك يــاضيف المدينة=جمرة الوقت حية فوق غليونها

كم غرق فالبحور وكم نجــا فالسفينة=كم عبادآ مــع الغبة تدفونها


سلطان الهاجـــري


العرب كل واحد سبحته في يمينة=وأنت ربعك عليك تلد بعيونها

مــايهوم الدروب إلا جديد المكينة=والسكاريب أهلها تشكي غبونها

عيد الجعيـــــــد


البريء يــا وسيع المعرفة لا تدينة=والمدينة حرام أنهدم حصونها

مشكلة بنقلادش كلها مــن حسينة=غيرت فالبلد وختل قانونها


سلطان الهاجـــري


أثر عيد الجعيد تحارب النوم عينة=يوم شاف البدو فارقته ظعونها

الحضارم من البارح تعجن العجينة=وأصبح الصبح وهي تغسل صحونها


عيد الجعيـــــــد


مـــا لحقني هموم ولا لحقني غبينة= يــا هل الميلة اللي مــا تعدلونها

أشرب الكيف عقبنك تركت السمينة=السوالف لهــا ناســآ يعزونها


سلطان الهاجـــري


فيكم أخفاف طينة فيكم ثقال طينة=ميــر عندي حقايق مــا تعرفونها

كل واحد على سلمه وطبعه ودينة=أخشعوا فالصلاة اللــي تصلونها


عيد الجعيـــــــد


فيكم إنفوس يــاسلطان قشــرى لعينة=كم كبودآ علــى الدنيا تعلونها

المخادن مــع الأيام حصل خدينة=خدنتآ يــاعرب مــاحـدآ عــرف لونها



سلطان الهاجـــري


كلمتك يــا طويل العمر مـــاهيب زينة=الرياجيل مثلك مايقولونها

لا تشوش على عقول الرجال الفطينة=الظبا مــا بغيت أكسر قرونها



عيد الجعيـــــــد


مـن يهين الرجال أقول لازم تهين=كلمتك سابقه والناس يوحونها

الخواجة لــو إنــه يرطن أفهــم رطينة=والسباع الضواري حدت سنونها


http://www.youtube.com/watch?v=49Dy5BI7vTo


http://www.youtube.com/watch?v=k_e0b2emWig&feature=related

محاوره متوسطه الى حد ما


اكثر بيوت الجعيد .. ما فيها ابداع .. و هي معروفه و مكرره بشكل ممل من شعار قبله


و لا هنت على المحاوره طال عمرك

افضل طاروق شاهدته لعيد الجعيد


ابداع بيت مقابل بيت وفيها تحدي بعد


صح لسانه وصح لسان الهاجري


لاهنت يالسامي وبيض الله وجهك

محاوره رائعه بكل المقاييس

اشكرك يالسامي ع هذا النقل الجزل