لا ضاق صدري رحت أقلـّـب عربسات

لا ضاق صدري رحت أقلـّـب عربسات ) ...

قام واحد من الشباب الطيبين بالردّ عليه وهذي القصيدة السابقة

والرد عليها هو في نهايه الرساله،،،،






لاضــاق صدري رحـت أقـلّب عـربسات

قـمـت أتـفـكــــر في عـجــايب زمــاني



مـتـنـقـــلٍ مــابـيـن ذيـك الـمـحـطــــــات

بـإبـهــــامـي ألــفّ الفضا في ثـواني



ومـاشـــدّ ني مـن بـيـن كــل الـقـــــنوات

الـلـي بـهــــا نـاظـــرت شـيٍ دهــــاني


قــم يانـديـمـي فـــوق زيـن الـمـوديـلات

Vxr تـوّه صـــادرٍ بـالـمــــــــــواني

النوع Toyotaمن أرقى الموديلات

Japan صـنع الأ فـنــــس الكيفراني

يصـبر عـلى قـطـع الـوعـور الصعـيبات

يـطـــوي صحــاصـيح الخــلا مايعــاني

عـلـيه مطـــنـوخٍ يحـــفــظ الــوصــــيات

عـنـد الـلــوازم ذيـب مـاهـــو هــــــداني

شـــيـّك عـلــيـه وجـهّــــزه لـلــمهــــمات

ثـم فـلــّله من (شـيـشـة) المسلـمـــــــاني

وخــذ الـنـفـود قـطوع صـوب الـقــريات

وعَـدْ الحــدود لــدار صــاف الـثـمــاني

مـتـنـحـــرٍ دار الـطــــرب والـونـاســـات

عشــايـرٍ مـن قـــوم)طـوني) و (هاني)



الـديـرة الـلي سَــلـم أهـلـها خـذ وهــات

مـالــلـحـــيا بـطـبـوع ربعـــه مـعــــاني


لاجــيـتـهــم تـلـقــا الـهــنـا والـمســرّات

والـضـيف لـه قـيـمــة وقــدر ومكــاني


يْـقلطـون (الـتـرتـه) وزود كـيـكـات)

ومشــروبهـم .. مشـروبهم شكـل ثاني


حــيـاتـهــم هـــزٍ ووزٍ . ودبـكــات

يـرددون الـهـابـط مـْـن الأغـاني

دارٍ بــهـــا لـلــزيـن وســـمٍ وبـصـمــات

بـه ناعـســات الـطـرف سـيـد الغـواني

لاشـفــت أنـا هــاك الغــنج والـحـركـات

مسـكـت راسـي ثـم قــلـت آه يااااااااني

وأخـص أنا بالـقــول باسـكــال بالـذات

هي شيء .. والـلي غـيرهـا شيْ ثاني

عـيـونٍها تـقـطـع قلوبي بسكـات

همت ضعـت و(جـمدت) بمكـاني

تـبـلـغـــه شـــوق وســلام وتـحـــيـات

وتحــب جـبـهـت عـودهــا(مشعـلاني)

صـحيح قـالـوا قـبـل مـن يـخـتـشي مات

والله يسـتـر مـن تـوااااااالي زمـــــاني


وهذا الردّ على القصيدة الماجنه السابقة ،،،






لاضاق صدرك ياقليل المروات

صل الصلاة ولا تجي للاغاني



استخدم ابهامك لطي الوريقات

صفحة كتاب الله باب الاماني



اخير من شوفة وجية الخواجات

اللي غضب ربي عليها يباني



لحمة مخمة فالبلى والملذات

غرتك صبغة وجهها البهلواني



ترسل نديبك في ردي المهمات

اهل الردى فالدرب دايم خواني



"والفكس" لاتطرية بالذات بالذات

ماهو بمركوب النذل والهداني



الفكس مركوب الرجال الثقالات

مقنى عربين النسب والمجاني



باسكال يامسكين راحت ولاجات

مالك ومال الساقطة يافلاني



وجة عليه من التشاكيل صبغات

ابيض مع احمر والشعر برتقاني



لاشافت الطرقي تبدية نظرات

وتميل مثل الداب والعقرباني



بنت لها فالليل صولة وجولات

تضحك على مثلك بطرف العياني



تضحك على لحيتك بنت لها اخوات

ياكيف ترضى يافتى للهواني



تحب جبهة مشعلاني ياذا الشاة

اثرك تدور ريحة الزعفراني



لاواللة الا راس مافية نعرات

اتحب راس ابليس يامودماني



ياونتي ونيتها عشر ونات

الادمي ياناس طلع جناني



خلك بدار اهل الكرم والجمالات

دار حباها الله رفعة وشاني



دار بها ستر البنات العفيفات

هذي بلادي ياطويل الاذاني



اشعب ركابك في جميع النحيات

امن وامان ويش غير الاماني



اخير من دار تحب الريالات

باعوا الكرامة يالله المستعاني

السلام عليكم ورحمة الله وبركاته .
أخي / وليد الزراقي .
نقل واختيار موفق والرد كفى وفعلاً اجاد الشاعر في الرد . لك مني كل الحب ولتقدير.

والســــــــلام ،،،

تقبــــــــلوا تحيــــــات / روقي الجمش .

اخي وليد الزراقي

دايم اختيارك رائع

قصيده جزله ونقل في قمة التميز

الله يعطيك العافيه علي المجهودات الرائعه

رد كافي ووافي


تشكر ياغالي


تحياتي

تسلم يمينك

اختيار موفق


تحياااااااااااااااااااااااااااااااااااااااتي