16-Apr-2006, 09:44 PM
صالح بن عبدالرحمن الناصر
يا لايم المحتاج عساك تحتاج =
حاجة قصى عند اليدين القصيه
تأخذ ليالي وأنت في موقف إحراج =
وتشوف نجم سهيل والشمس حيه
إما طلع لك قلب واخترت منهاج =
وآلا غديت العصر قبل العشيه
تيهت غرير ما لها طب وعلاج =
ينثر صميله بالفجوج الخليه
ما شاف له مدخل ولا شاف مخراج =
ضاقت عليه الأرض لو هي فضيه
ابطفي إسراج وابولع إسراج =
واخذ مع الطاروق روحه وجيه
ما ننهي الموضوع والنور فلاج =
تسلم عقولٍ بالمعرفة غنيه
ما يسمعون الهرج من كل هراج =
ذما تهم من كل عايل بريه
ما شجعوا مفرج على ظلم فراج =
من باب حبل المعرفة والحميه
حطوا على البيبان قفلٍ ومزلاج =
واقفو عن الشكات والعنجهيه
تمسكو في كلمةٍ ما بها ازعاج =
في طاعة الوالي وسنة نبيه
هذي هي الغاية وللصورة اخراج =
بروازها المعنى ورجلي جريه
ما بار قول الصدق والصدق ما داج =
مثل الخوي اللي يقدر خويه
قول وفعل ما هي على ضحكة احجاج =
وآلا سواليف ورا الجاذبيه
كم واحدٍ يهرج على الحاج والداج =
يذبح ويصلخ بين ما رد وفيه
متمركيٍ ولسانه اعوج ومنعاج =
آليا ذكر له رجل ورد الركيه
إما اسراف بمدحه وسماه هداج =
وألا اسرف بذمه ولا راح نيه
مثل الورق بين لاكراسي والأدراج =
وألا على قول العرب مسرحيه
والخاتمة يا ضلع ابانت وسواج =
ترى الهوى قد قيل شدد طميه
يا لايم المحتاج عساك تحتاج =
حاجة قصى عند اليدين القصيه
تأخذ ليالي وأنت في موقف إحراج =
وتشوف نجم سهيل والشمس حيه
إما طلع لك قلب واخترت منهاج =
وآلا غديت العصر قبل العشيه
تيهت غرير ما لها طب وعلاج =
ينثر صميله بالفجوج الخليه
ما شاف له مدخل ولا شاف مخراج =
ضاقت عليه الأرض لو هي فضيه
ابطفي إسراج وابولع إسراج =
واخذ مع الطاروق روحه وجيه
ما ننهي الموضوع والنور فلاج =
تسلم عقولٍ بالمعرفة غنيه
ما يسمعون الهرج من كل هراج =
ذما تهم من كل عايل بريه
ما شجعوا مفرج على ظلم فراج =
من باب حبل المعرفة والحميه
حطوا على البيبان قفلٍ ومزلاج =
واقفو عن الشكات والعنجهيه
تمسكو في كلمةٍ ما بها ازعاج =
في طاعة الوالي وسنة نبيه
هذي هي الغاية وللصورة اخراج =
بروازها المعنى ورجلي جريه
ما بار قول الصدق والصدق ما داج =
مثل الخوي اللي يقدر خويه
قول وفعل ما هي على ضحكة احجاج =
وآلا سواليف ورا الجاذبيه
كم واحدٍ يهرج على الحاج والداج =
يذبح ويصلخ بين ما رد وفيه
متمركيٍ ولسانه اعوج ومنعاج =
آليا ذكر له رجل ورد الركيه
إما اسراف بمدحه وسماه هداج =
وألا اسرف بذمه ولا راح نيه
مثل الورق بين لاكراسي والأدراج =
وألا على قول العرب مسرحيه
والخاتمة يا ضلع ابانت وسواج =
ترى الهوى قد قيل شدد طميه
