سارح البال 24 ساعه
ناصر المرشدي12-Jan-2008, 07:58 PM
سلام يالحاضرين وكيف الاحوال= من الجماعه ومن غير الجماعه
ياسارح البال دايم سارح البال =على مدار 24 ساعه
عبدالرحمن الهيلوم12-Jan-2008, 07:59 PM
صح السانك يالغالي متابعين
سلطان الجـذع12-Jan-2008, 08:00 PM
ياسارح البال دايم سارح البـال
علـى مــدار 24 سـاعـه
ههههههههههههه صح لسانك يامبدع
وننتظر اجابه سارح البال 24
بندر المرشدي12-Jan-2008, 08:08 PM
الله حيه هلا وغلا
اتمنى وجودك 24 ساعة
علي فلاح العضياني12-Jan-2008, 08:13 PM
سلام يالحاضرين وكيف الاحوال= من الجماعه ومن غير الجماعه
ياسارح البال دايم سارح البال =على مدار 24 ساعه
الله الله
كلاااااااااااااام يابوتركي صحححححح لسانك
وصح لسان ابو سلطان مقدماً
معجب العتيبي12-Jan-2008, 08:36 PM
يامرحبا والكلام الزين ينقال=للصاحب اللي بدانا بانطباعه
سارح واهوجس على زينات الامثال=والزين للناس ياناصر طماعه
سلطان الجـذع12-Jan-2008, 08:38 PM
سارح واهوجس على زينات الامثال
والزين للنـاس ياناصـر طماعـه
رد وافي من وافي
صح لسانكـ
ناصر المرشدي12-Jan-2008, 08:47 PM
يبقيك رب العباد ايام وليال=والا الوداعه لحفّاظ الوداعه
قالوا لي انك تبيع ريال بريال=مدري جهل فالحكم والا شجاعه
عبدالله بن دبيس العتيبي12-Jan-2008, 08:56 PM
بسم الله الرحمن الرحيم
السلام عليكم ورحمة الله وبركاتة
صح السنتكم جميعا وفي انتظار بقية المحاورة
وتقبلوا تحياتي
معجب العتيبي12-Jan-2008, 09:45 PM
ماخون عهد الخوي بكل الاحوال=ويطربني الشمل لازان اجتماعه
الصاع بالصاع اله وزنه ومثقال=والمعصيه عندنا منها مناعه
عيد العازمي12-Jan-2008, 09:51 PM
يالربع مساكم خير
ناصر وابو سلطان وتجدد الابداع
صحت السنتكم
معجب العتيبي12-Jan-2008, 09:59 PM
لكل من شرفنا بحظوره ومتابعته لاهنتوا
وبيض الله وجيهكم
والمحاوره يمكن تهدي شوي لأن فيه اربع محاورات ثانيه
وشكرا
ناصر المرشدي14-Jan-2008, 01:48 PM
ياطيّب الفال جعلك طيّب الفال=لاتقرب الضلع تسري بك سباعه
تقول ياعم وانا اقول ياخال=وان قلت لك شي قل سمعاً وطاعه
معجب العتيبي14-Jan-2008, 09:23 PM
مابين ذيك السباع احط منزال=والا انت ياصاحبي صابك مجاعه
الخال ياخذ مكان الاب فالحال=ومن خالك احذر يجي في القلب راعه
ناصر المرشدي14-Jan-2008, 09:44 PM
في تالي ايامنا حمل الجمل مال=واليوم اشوف الجمل يومي كراعه
يالوالد اللي عليك شماغ وعقال=بابورك اليوم طيرنا شراعه
معجب العتيبي14-Jan-2008, 10:01 PM
زبد العرب ياعرب ياسرع ماسال=واخاف لايكون تخطيط ولكاعه
اصحيبنا ياعرب بالحيل محتال=ايقول بابوركم حلو ارتفاعه
معانق سهيل14-Jan-2008, 10:18 PM
الله الله عليكم ياسارح البال وناصر المرشدي
ولاهنتم وصح السانكم
ولاتوقفون نتابع .... ؟
ناصر المرشدي14-Jan-2008, 10:58 PM
مازال سارح مثل ماكان مازال=وضيفة المطبعه شغل الطباعه
حنّا لقينا معك مخرج ومدخال=ولانهرج الا بمنطوق الوقاعه
معجب العتيبي15-Jan-2008, 12:05 AM
مايزعل الحق يارجال رجال=والنفس تجحد وتاليها القناعه
مادام بينك وبين الناس مرسال=واصل طريقك بترتيب وبراعه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
