نادى المنادي ..

مساكم الله بالخير والمجال مفتوح ..




هلا مرحبا ترحيب وافي وموزون = بعد بانت النيه ونادى المنادي

رعاة البقر في كل وادي يهيمون = وثارت مغازيهم على خير هادي

يدوم البقا والفوز مكسب ومضمون =وابا اشب نارن ماتعود رمادى
ولا يالسواط الناس صاحى ومجنون =ياراع المطيه لا يطيح الشدادى

صح السنتكم يا شعارنا

وبيض الله وجيهكم

يالله حي نايف

ولا يارجال العرف تكفون تكفون = نبا نشعل النيران في كل وادي

يانايف تشوف الغرب قاموا يسبون = وحنا نطارد في سعاد وهنادي

العتيبي المميز هلا وغلا

وصح بدنك

الله يبقيك يا شجاع


ترانا هل العادات وانتم تعرفون=ومن لا يعرف العلم يقلون غادي
عسى الله يعز الدين وبليس ملعون=وحنا سمعنا العلم في كل رادي

العتيبي المميز صح بدنك وجهك ابيض

ولا يارجال العرف تكفون تكفون = نبا نشعل النيران في كل وادي


الله الله

ابداع

من الشاعرين

واصلو

وعساكم على القوه وبيض الله وجيهكم

وهذي المواضيع التي يجب ان تذهب لها المحاوره في هذا الزمن

متابع لكم

ليا دندنت جا للدنادين دندون =ترى العلم يبغا رجل حرب وقيادي

سمعتوا خبر لاكنكم وش تسوون = ترى الحر مايرضى بغير الهدادي

وجهك ابيض يامرزوق الجعيد

والله يقويك ويسلمك يالغالي ..

الله الله




مشكورين يا شجاع ونايف على المحاوره الطيبه الله يطيب فالكم واعمالكم

الفالح هلا وغلا

وفالك الطيب والتوفبق ..

ترانا سبقناكم على العسر والهون=وانا خابرك فارس ويحداك حادي
ولا يالسواط السر ما هو بمدفون=لكنك تحب الحر ولا البرادي

انا اشهد سبقتونا على فلم كرتون = وحنا سبقنا بالسيوف الحدادي

حسبتك من اللي فالمواقف يثورون = واثرك تقهقر يوم قدح الزنادي

شجاع السواط اعرفك منته بمامون=وحنا نعرفك يالكذوب الربادي
ولا ياجماعة خير ماعاد تدرون=تخلطون في الدنيا بياض وسوادي

مرزوق الجعيد قواك الله

الفالح ارحب يالغالي

تعرضت للي فالمساجد يصلون=وعودت فالمنبر تصيح وتنادي

بعد صار حبك فالرحا حب مطحون = بدى الفرق بين المعرفه والدوادي

صح السانك يالغالي

تصبح على خير