هاك الخفوق
سعود31-Dec-2003, 11:09 PM
هاك الخفوق وعطني منك ابتسامه = لو تنشرى بالمال والله لشريك
زرعت حبك ياقوي الوسامه = بين الظلوع اللي تحبك وتغليك
الله من قلبٍ تعب في غرامه = عيا الجفن يصبر ليا حل طاريك
عزاه ياحظ العنا والندامه = ماتدري انه ضايقٍ صدر راعيك
دامك تحب الجرح فيني علامه = اجرح وعذب واستمر بتماديك
وان كان ودك راحتي والسلامه = انا دخيلك من زعلك وتجافيك
وصل العطياني؟؟؟01-Jan-2004, 12:17 AM
سعود
صح لساااانك...
قصيدة موجزة تحمل في طيّاتها الشيء الكثير...
سلمت يمينك...
تحياااااتي.
سعود01-Jan-2004, 12:28 AM
صح بدنك وصل . . وأشكرك على المتابعة .
ابو وعيل01-Jan-2004, 03:31 AM
صح لسااااااااانك ياسعووود
قصيدة تحمل المعاني الجميلة جداً
عطنا قصائدك في المنتدى ياسعود
واتمنى استمرارك في الكتابه .....
تحياااااتي
ابو وعيل الرويس
سعود01-Jan-2004, 11:57 AM
العفو اخوي ابو وعيل . . مشاركاتي لا ترقى إلى مصاف الأقلام المبدعه في المنتدى . . وماهي إلا نقوش عابرة .
أشكرك على الدفعه المعنويه . . ولا تحرمنا إطلالتك .
متعب العضياني01-Jan-2004, 08:31 PM
وان كان ودك راحتي iiوالسلامـه انا دخيلك من زعلـك iiوتجافيـك
تسلم والله
وصح لسانك على هالقصيده
سعود02-Jan-2004, 12:22 AM
صح بدنك متعب . . وأشكر لك شعورك تجاه القصيدة .
طلال الثعلي02-Jan-2004, 01:04 AM
سعود
والله جزله ...
مبدع لاعدمنااااك
تحياتي..
سعود02-Jan-2004, 01:45 PM
سمران القثامي17-Jan-2004, 05:10 PM
الأخ الشاعر سعود الله يمسيك بالخير قصيدة جميلة جدا 00عاد لاتحرمنا
من إبداعاتك 0000( كثر لنا منها )
وستجد المتابعه المستمره
اخوك / سمران القثامي
