قادح شرار علاك منادي

قادح شرار قرب جاي نبا ناخذ معك طاروق




سلام والدنيا صواديف, والله يستر من صدفها=والناس معطى ومحرومي, سلام والدنيا صواديف
لو قادح يفك المظاريف, يمديه ياعتيبه عرفها=وعمر البنادم مايدومي, لو قادح يفك المظاريف

عاقبنا النفيعـي هـذه .. مير استلم :



يا مرحبا وقت المواقيف . ما ينحسد منهو وقفها = في وقتها زرق السهومي . يا مرحبا وقت المواقيف

سحايبي صارت مراديف . تغرق من اللي يلتقـفها = ويسيل وادي كل يومي . سحايبي صارت مراديف

اااااااااااالله اااااااااااااااااالله

صح السنتكم ومتابع للاستفاده

لاحول منك ياقادح يعني الواحد يعقابك في طاروق
كانك مشغول انهها يالطيب واسفين على الازعاج



دام البقا يانازل الريف ارعيتك جنب علفها=لاتقنع ابدون النجومي دام البقا يانازل الريف
عديت في روس المشاريف منكوب منهو ماشرفها=اشفق على المزون الردومي عديت في روس المشاريف

لا والله ماني بمشغول يابن عمي ... مير عاقبتنا يوم عسّـرت الطاروق بالشكل هذه . مير دربك خضر ... سير ونحن على خـُطاكم .


يا صاحبي سوق السواليف . نـيـّتـك لا بد نعرفها = أظن من خلفك علومي . يا صاحبي سوق السواليف

لو يبتدي هب العواصيف . مافيه حاجة ألا جرفها = وتصير ياخوك معدومي . لو يبتدي هب العواصيف

هههه

الله

المناسيب وقادح مره وحده !

اشهد اننا بنستمتع معكم

صحت الالسن


والله يعطيكم العافية

مايصعب علاك شي مير اسلتم




ياماحلاها دلة الكيف تنزح عماس اللي ولفها=يازينها فوق الرجومي واللي معايه دلة الكيف
سمعت بذني علم ياكيف الخلق تنحر من شرفها=وش صار بالدنيا عمومي سمعتي بذني علم ياكيف

السف المحنا صح بدنك وحياك الله المحل محلك

السبيعي حياك الله


الاروع وجودك بيننا يالغالي

صح لسانك يابو مناسيب وصح لسانك يا قادح




:)

مرجح الميزان صح بدنك يالغالي



شكرا لتواجدك معنا

صح لسانك يابومناسيب

وينك ياقادح ؟

ياما حلا لعب المحاريف . من شاعر ٍ سجل هدفها = ماهي بغاية للرخومي . ياما حلا لعب المحاريف

أخاف سمعك >سمع ٍ اضعيف . شوفلك دختر يكتشفها = أذنك بها شر وهمومي . أخاف سمعك >سمع ٍ اضعيف

الله الله

طاروق رائع وجميل . .

صحت ألسنتكم بالحيل ..